استانا قالالىق سوتىندا ءانشى قايرات نۇرتاسقا (ايداربەكوۆ رەد.) قاتىستى اكىمشىلىك قۇقىق بۇزۋشىلىق تۋرالى ءىس اپەللياتسيالىق تارتىپپەن قارالدى, دەپ جازادى Egemen.kz.
بۇعان دەيىن اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتتىڭ قاۋلىسىمەن قايرات نۇرتاس ۇساق بۇزاقىلىق جاساعانى ءۇشىن 15 تاۋلىك مەرزىمگە اكىمشىلىك قاماۋعا الىنعان بولاتىن.ءبىرىنشى ساتىداعى سوت قايرات نۇرتاستىڭ ۇشاقتىڭ ىشىندە جانجالداسۋ كەزىندە ازامات اسىلبەك بەكقايىروۆقا قول جۇمساپ, ونىڭ دەنساۋلىعىنا جەڭىل زيان كەلتىرىپ, توبەلەس كەزىندە بالاعات سوزدەر ايتقانىن انىقتادى.«قۇقىق بۇزۋشىنىڭ ادۆوكاتى قاۋلىمەن كەلىسپەي, 434-باپتىڭ 2-بولىگى بويىنشا شاعىمدانىپ, قۇرامنىڭ بولماۋىنا بايلانىستى سوتتان ءىس جۇرگىزۋدى توقتاتۋدى سۇرادى. قاۋلىنىڭ كۇشىن جويۋ ءۇشىن نەگىز انىقتالماعاندىقتان اپەللياتسيانىڭ 2024 جىلعى 9 شىلدەدەگى قاۋلىسىمەن ءبىرىنشى ساتىداعى سوتتىڭ سوت اكتىسى وزگەرىسسىز قالدىرىلدى», دەلىنگەن جوعارعى سوت قاۋلىسىندا.
ايتا كەتەيىك, بۇعان دەيىن ءانشىنىڭ ۇساق بۇزاقىلىق ءۇشىن قامالۋى مۇمكىن ەكەنىن حابارلاعان ەدىك.