ءىس-شارا قىركۇيەك ايىنا جوسپارلانعان. بۇل تۋرالى ءانشى الەۋمەتتىك جەلىدە مالىمدەدى, دەپ حابارلايدى Egemen.kz.
تانىمال ءانشىنىڭ كەشى 8-14 قىركۇيەك ارالىعىندا وتەتىن V دۇنيەجۇزىلىك كوشپەلىلەر ويىندارى اياسىندا ۇيىمداستىرىلادى.
«دۇنيە ءجۇزىنىڭ 100 دەن استام مەملەكەتىنەن ءتۇرلى سايىستارعا قاتىسۋ ءۇشىن 4 مىڭنان استام سپورتشى كەلەدى دەپ كۇتىلەدى. وسى ادەمى مەرەكە اياسىندا مادەنيەت جانە اقپارات مينيسترلىگىنىڭ قولداۋىمەن, «ديماشالي» شىعارماشىلىق ورتالىعىنىڭ ۇيىمداستىرۋىمەن «استانا ارەنادا» مەنىڭ «Stranger» اتتى جەكە كونتسەرتىم وتەدى», دەپ جازدى ديماش.