زارداپ شەككەن ءار وتباسى باسپانالى بولادى

اپاتتان زارداپ شەككەن جان­گەل­دين اۋدانىنىڭ وتباسىلارى جالعىز باسپانالارىنان ايىرىل­دى. پرەزيدەنت تاپسىرماسىمەن ءاربىر مۇقتاج وتباسىنا مەملەكەتتەن جاڭا باسپانا بەرىلەدى. اتاپ ايتقاندا, تاۋىش اۋىلىندا – 22, ال كولقامىس اۋىلىندا 19 ءۇي سالىنىپ جاتىر. باسپانالار قوستاناي وبلىسى اكىمدىگى مەن «قازاقستان حالقىنا» قوعامدىق قورى اراسىندا جاسالعان مەموراندۋم اياسىندا تيپتىك جوبامەن سالىنادى. ءار ءۇيدىڭ جالپى اۋدانى 80 شارشى مەتر, قۇنى شامامەن 30 ميلليون تەڭگەنى قۇرايدى.

ايتا كەتۋ كەرەك, پارتيا تابيعي اپاتتىڭ العاشقى كۇنىنەن باستاپ زارداپ شەككەندەرگە ناقتى كومەك كورسەتۋ جۇمىستارىن شۇعىل باس­تادى. بۇل گۋمانيتارلىق كومەكتى جيناۋ, «جاستار رۋحى» ەرىكتىلەرىن جۇمىلدىرۋ, جاعالاۋلاردى قۇم سالىنعان قاپتارمەن نىعايتۋ, سۋ تاسقىنىنا قارسى بوگەتتەر سالۋ, تاعى باسقا جۇمىستار.

– سۋ تاسقىنى كەزىندە ءبىز تۇر­عىندارمەن كەزدەسكەندە ولار­دىڭ كوبى جاتاقحانالار مەن باسقا ەۆا­كۋاتسيالىق پۋنكتتەرگە ورنالاستى­رىلعان ەدى. قازىر جاعداي جاقسارىپ كەلەدى, زارداپ شەككەندەر باسپانالارىن الىپ جاتىر. كولقامىستا 19 وتباسى وسى جازدىڭ 1 تامىزىندا جاڭا ۇيلەرىنە قونىستانادى. قوسىمشا 10 سوتتىق جەر دە بەرىلەدى. جالپى, قوستاناي وبلىسىندا سۋ تاسقىنىنان زارداپ شەككەندەر ءۇشىن قۇرىلىس جانە تۇرعىن ءۇي ساتىپ الۋ جۇمىستارى جازدىڭ سوڭىنا دەيىن اياقتالادى, – دەدى دەپۋتات بەرىك بەيسەنعاليەۆ.ال دەپۋتات ەركىن ءابىل ەگەر تۇر­عىندار وتەماقى الۋ نەمەسە جوعالعان م ۇلىكتى باعالاۋ ماسەلە­لەرىندە قيىندىقتار تۋىنداسا, پارتيا «قۇقىقتىق كومەك» جوباسى اياسىندا تەگىن زاڭگەرلىك كومەك كورسەتەتىنىن ايتتى.

ءبىر كۇن بۇرىن دەپۋتاتتار ارقالىق قالاسىندا سۋ تاسقى­نىنان زارداپ شەككەن ارقالىق, امانگەلدى, جانگەلدين اۋدان­دارىنىڭ تۇرعىن­دارى ءۇشىن سالىنىپ جاتقان 50 پاتەر­لى ءۇيدىڭ قۇرىلىس بارىسىمەن تا­نىستى. قىركۇيەك ايىندا ءۇي پايدا­لانۋعا بەرىلەدى. 50 پاتەردىڭ 20-سى ارقالىق تۇرعىندارىنا, 16-سى امانگەلدى, 14-ءى جانگەلدين اۋداندارىنىڭ تۇرعىندارىنا ارنالماق. بۇدان بولەك, ارقالىقتا 78 زارداپ شەككەن وتباسى ءۇشىن دا­يىن پاتەرلەر ساتىپ الىندى.