ءحححىىى پاريج جازعى وليمپيا ويىندارىندا سەمسەرلەسۋشىلەر جەكەلەي جانە كوماندالىق سايىستا تارتىسقا تۇسەدى. ۇلتتىق قۇراما باپكەرلەرى پاريج وليمپياداسىنا كىمدەردىڭ باراتىنىن جاريا ەتىپ, ءتىزىمدى ءتۇزدى. شپاگامەن سەمسەرلەسۋدەن جەكەلەي سىندا ەلمير ءالىمجانوۆ, رۋسلان قۇربانوۆ, ۆاديم شارلايموۆ جۇلدە ءۇشىن تالاسادى. جەكەلەي سىندا دوداعا قوسىلمايتىن ەرلىك سەرتاي كوماندالىق سايىستا قۇراما ساپىن نىعايتادى.
ەرلەر قۇراماسى الەم كۋبوگى كەزەڭدەرىندە ولجا سالىپ الەمدىك رەيتينگتە الدىڭعى لەكتەن كورىنىپ, پاريج جازعى وليمپياداسىنىڭ جولداماسىن يەلەندى. جىگىتتەر سوڭعى جاتتىعۋ جيىنىن يسپانيانىڭ المەيرا قالاسىندا ەۋروپا مەن ازيانىڭ تەگەۋرىندى كوماندالارىمەن بىرلەسىپ وتكىزبەك.
كەيىنگى جىلدارى سەمسەرلەسۋشىلەردىڭ ناتيجەسى جاقسارىپ كەلەدى. رۋسلان قۇربانوۆ بىلتىر الەم چەمپيوناتىنىڭ قولا مەدالىن ولجالاپ, سەمسەرلەسۋ سپورتىنان الەمدىك الاماننىڭ جۇلدەسىن العان العاشقى سپورتشى اتاندى. وتىز جىلدىڭ ىشىندە الەم چەمپيوناتىنىڭ جۇلدەسى بىزگە بۇيىرماي كەلگەن-ءدى. بىلتىر ەلىمىزدىڭ ەرلەر كومانداسى الەم كۋبوگىندە توپ جارىپ, جازعى وليمپيادانىڭ جولداماسىن يەلەندى.
ايەلدەر سىنىندا ايگەرىم سارىباي ەل سەنىمىن ارقالايدى. بىرىككەن اراب امىرلىگىندە وتكەن ليتسەنزيالىق تۋرنيردە پاريج جازعى وليمپياداسىنىڭ جولداماسىن ەنشىلەگەن ەدى.