بوكستان قازاقستان ەرلەر قۇراماسىنىڭ باس باپكەرى مىرزاعالي ايتجانوۆ پاريج وليمپياداسىنىڭ جولداماسىن جەڭىپ العان بوكسشىلارمەن كەزەكتى جاتتىعۋ جيىنى اياقتالعانىن ايتتى, دەپ جازادى Egemen.kz ۇلتتىق وليمپيادالىق كوميتەتكە سىلتەمە جاساپ.
باس باپكەر دايىندىق جوعارى دەڭگەيدە وتكەنىن مالىمدەدى.
«بوكسشىلارىمىزدىڭ جاتتىعۋ جيىنى وتە ساپالى وتكەنىن ايتۋ كەرەك. جىگىتتەردىڭ بارلىعى تاپسىرمانى تياناقتى ورىندادى. ەڭ باستىسى ەشكىم اۋىرىپ قالعان جوق. ءبارى دە بابىنا ەنىپ كەلە جاتىر.
قازىرگى تاڭدا ءبىز بوكسشىلارعا ازداعان ءۇزىلىس بەردىك. بارلىعى دا ۇيلەرىنە كەتتى. كوپ ۇزاماي قايتا جينالامىز. 9-20 شىلدە ارالىعىندا تۇركىستان وبلىسىنداعى «الما تاۋ» بازاسىندا وليمپيادا قارساڭىنداعى سوڭعى جاتتىعۋ جيىنى وتەدى», دەدى مىرزاعالي ايتجانوۆ.