استانا قالالىق پوليتسيا بولىمشەسىنە سەگىز جاستاعى بالانىڭ تۇرعىن ءۇيدىڭ اۋلاسىنان جوعالىپ كەتكەنى تۋرالى حابارلاما كەلىپ ءتۇستى. قوڭىراۋ تۇسكەن بەتتە پوليتسيا جەدەل ارەكەت ەتىپ, دەرەۋ ىزدەۋ شارالارىنا كىرىسەدى.
كينولوگيالىق قىزمەت ورتالىعىنىڭ قىزمەتكەرى ازامات ورازقانوۆ پەن ونىڭ «فەليكس» اتتى قىزمەتتىك ءيتى دايىندىقتىڭ جوعارى دەڭگەيىن كورسەتىپ, جوعالعان بالانى ساناۋلى ۋاقىت ىشىندە جاقىندارىمەن قاۋىشتىردى. «فەليكس» – نەمىس وۆچاركاسى. قۇقىق قورعاۋ سالاسىنداعى العىرلىعىمەن تانىلعان اقىلدى جانۋار. ەلوردانىڭ كينولوگيالىق قىزمەتىندەگى جولى كۇشىك كەزىنەن باستالعان. وسى ەكى جىل ىشىندە ونىڭ كومەگىمەن جوعالعان 20-عا جۋىق ازامات ءوز وتباسىنا امان-ەسەن ورالعان. سوڭعى وقيعادا دا ءتورت اياقتى كومەكشىنىڭ كۇش-جىگەرىنىڭ ارقاسىندا جوعالعان بالا امان-ەسەن تابىلعانى قۋانتتى.