جاڭا يپوتەكالىق باعدارلاما: «ناۋرىزعا» قانشا ءوتىنىم ءتۇستى

وتباسى بانكىنىڭ توراعاسى ءلاززات يبراگيموۆا "ناۋرىز"يپوتەكالىق باعدارلاماسى بويىنشا قانشا ءوتىنىم تۇسكەنىن ايتتى.

يبراگيموۆانىڭ ايتۋىنشا, قازاقستاندا e-kezekte پورتالىندا الەۋمەتتىك ەسەپكە الۋ جۇيەسى بار, وندا ازاماتتار تۇرعىن ۇيگە كەزەككە تۇرا الادى. وعان اسكەري قىزمەتشىلەر, مەملەكەتتىك قىزمەتشىلەر, بيۋدجەتتىك ۇيىمداردىڭ قىزمەتكەرلەرى, كوپ بالالى وتباسىلار, مۇگەدەك بالالارى بار وتباسىلار, I جانە II توپتاعى مۇگەدەك ادامدار, جەتىم بالالار كىرە الادى. نەگىزگى تالاپ-جەكە تۇرعىن ءۇيدىڭ بولماۋى.

- بىراق جەكە سەكتوردا جۇمىس ىستەيتىن ادامدار بىزگە سۇراق قويادى-ولار بۇل كەزەككە تۇرا المايدى, بىراق باسپاناسى دا جوق. بىزدە 35 جاسقا دەيىنگى جاس وتباسىلاردىڭ سانى وتە كوپ, ولار دەپوزيتتەر اشىپ, بىرتىندەپ جينايدى, – دەدى يبراگيموۆا.

مۇنداي جاعدايلار ءۇشىن "ناۋرىز" يپوتەكالىق باعدارلاماسى ازىرلەنگەن ەدى. بۇگىن دەپوزيت اشىپ, ەرتەڭ باعدارلاماعا قاتىسۋعا بولادى.

- سۇرانىس وتە ۇلكەن. "وتاۋ" بويىنشا ءبىز 8 مىڭ ءوتىنىم جينادىق. "ناۋرىز" جۇما كۇنى اياقتالدى ساعات 21.00-دە 38 841 ءوتىنىم كەلىپ ءتۇستى. بىزدە شامامەن 12 مىڭ وتىنىمگە رەسۋرستار بار, - دەدى بانك باسشىسى.