شىۇ سامميتىنە قاتىسۋ ءۇشىن استاناعا كەلگەن مەملەكەتتەر باسشىلارى مەن حالىقارالىق ۇيىمدار جەتەكشىلەرى كەشكى اس فورماتىنداعى كونتسەرتتىك باعدارلامانى تاماشالادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت ورتالىعىندا وتكەن بەيرەسمي جيىن بارىسىندا مارتەبەلى مەيماندارعا قازاق حالقىنىڭ باي مۋزىكالىق مۇراسى مەن مادەنيەتى تانىستىرىلىپ, «دوستىق جولى» حورەوگرافيالىق كومپوزيتسياسى ۇسىنىلدى. قويىلىمعا ۇلى جىبەك جولى بويىنداعى حالىقتاردىڭ مادەنيەتتەرى ارقاۋ بولعان.
سونىمەن قاتار كونتسەرتتىك باعدارلاما اياسىندا شىۇ-عا مۇشە ەلدەر حالىقتارىنىڭ اندەرى مەن بيلەرى ورىندالدى.
بۇدان بولەك, سامميت قاتىسۋشىلارى مەن ەلوردا قوناقتارىنىڭ قۇرمەتىنە وتشاشۋ ۇيىمداستىرىلدى.