3 شىلدەدە وپەرا ءانشىسى مايرا مۇحامەدقىزى مەن ءانشى ديماش قۇدايبەرگەن قازاقستان پرەزيدەنتى قاسىم-جومارت توقاەۆ پەن قىتاي حالىق رەسپۋبليكاسىنىڭ توراعاسى سي تسزينپينگە شاعىن كونتسەرت بەردى, دەپ حابارلايدى Egemen.kz.
«رەسمي كەلىسسوزدەر سوڭىندا مەملەكەت باسشىسى قاسىم-جومارت توقاەۆ پەن قىتاي حالىق رەسپۋبليكاسىنىڭ توراعاسى سي ءتسزينپيننىڭ الدىندا وپەرا ءانشىسى مايرا مۇحامەدقىزى مەن ءانشى ديماش قۇدايبەرگەن ونەر كورسەتتى», دەلىنگەن حابارلامادا.
ەكى ەل باسشىلارى قازاقستاندىق تانىمال ارتىستەردىڭ ونەرىن جوعارى باعالاعانى اتاپ ءوتىلدى.
بۇعان دەيىن جوعارى دەڭگەيدەگى كەلىسسوزدەردىڭ قورىتىندىسى بويىنشا قازاقستان پرەزيدەنتى قاسىم-جومارت توقاەۆ پەن قىتاي حالىق رەسپۋبليكاسىنىڭ توراعاسى سي تسزينپين بىرلەسكەن مالىمدەمەگە قول قويعانى حابارلانعان بولاتىن.