1 شىلدەدە ۆيتسە-پرەمەر سەرىك جۇمانعاريننىڭ توراعالىعىمەن وتكەن كەڭەستە الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىنا قاتىستى جاعداي قورىتىندىلارى تالقىلانىپ, كۇزگى جانە كوكتەمگى تۇراقتاندىرۋ قورلارىندا كوكونىس قورلارىن قالىپتاستىرۋ بارىسى تالقىلاندى, دەپ جازادى Egemen.kz.
جارتىجىلدىق قورىتىندى بويىنشا, الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ تۇراقتى دەفلياتسياسى بايقالادى: ماۋسىمدا ورتاشا باعا يندەكسى 0,3%-عا تومەندەدى, ال جىل باسىنان بەرى جالپى 0,2%-عا تومەندەدى. باعانىڭ تومەندەۋ ءۇردىسى جالعاسىپ جاتىر.
ساۋدا جانە ينتەگراتسيا ءبىرىنشى ۆيتسە-ءمينيسترى ايجان بيجانوۆانىڭ ايتۋىنشا, سوڭعى اپتادا باعالار تاعى 0,1%-عا تومەندەدى, اسىرەسە, 9 تاۋار بويىنشا: ءسابىز (1,5%), قاراقۇمىق جارماسى (0,8%), ۇن (0,7%), ءسۇت (0,5%), تاۋىق ەتى (0,2%), كۇرىش, سيىر ەتى, تۇز جانە قانتتىڭ (0,1%) ءسال ارزانداعانى بايقالدى. باعانىڭ تومەندەۋى 10 وبلىستا تىركەلدى. ايتارلىقتاي تومەندەۋ ماڭعىستاۋ وبلىسىندا (0,4%) جانە پاۆلودار وبلىسىندا (0,3%) بايقالدى.
اۋىل شارۋاشىلىعى ۆيتسە-ءمينيسترى ەربول تاسجۇرەكوۆ وڭىرلەردەگى ەرتە پىسەتىن ونىمدەرگە كەلىسىمشارت جاساۋ بارىسىن باياندادى. قازىرگى ۋاقىتتا اكىمدىكتەر ماۋسىم-شىلدە ايلارىنا ەرتە پىسەتىن كوكونىستەرگە 37 مىڭ توننا كولەمىندە فورۆاردتىق كەلىسىمشارتتار جاساستى. ۆيتسە-مينيستر 1 تامىزعا دەيىن وڭىرلەر كۇزگى ءونىمدى فورۆاردتىق ساتىپ الۋ اياسىندا اۋىل شارۋاشىلىعى وندىرۋشىلەرىن قارجىلاندىرۋ قاجەتتىگىن, فەرمەرلەردىڭ جەڭىلدەتىلگەن قاراجاتتى ۋاقىتىلى الۋىن قامتاماسىز ەتۋ كەرەك ەكەنىن اتاپ ءوتتى.