الماتىدا پاترۋلدىك پوليتسەيلەر 4-ءشى قاباتتان سەكىرمەك بولعان ەر ادامدى قۇتقارىپ قالدى, دەپ حابارلايدى Egemen.kz.
قالالىق پوليتسيا باسقارماسىنىڭ حابارلاۋىنشا, رىسقۇلوۆا داڭعىلىنداعى جاتاقحانالاردىڭ بىرىندە ماس ەر ادام 4-ءشى قاباتتان سەكىرمەك بولعان.
«وقيعا ورنىنا «بۋران-175» جانە «بۋران-170» پاترۋلدىك بريگادالارى كەلدى. ءمان-جايدى زەرتتەگەن پوليتسەيلەر, تەرەزەدەگى ادامدى اڭگىمەگە تارتا باستادى. وسى ۋاقىتتا ينسپەكتورلاردىڭ ءبىرى ىڭعايلى ءساتتى تاڭداپ, ەر ادامنىڭ موينىنان ۇستاپ, ونى بولمەگە سۇيرەپ اپاردى. قاتىسۋشىنىڭ ماس بولعانى انىقتالدى. ول وتباسىلىق ماسەلەلەرگە بايلانىستى شاراسىز وسى ءىس-ارەكەتكە بەل بۋعانىن ايتتى», دەدى الماتى پد جەرگىلىكتى پوليتسيا قىزمەتى باسقارماسىنىڭ باستىعى سەرىك شۋماەۆ.
جابىرلەنۋشىگە العاشقى مەديتسينالىق كومەك كورسەتىلىپ, ءارى قاراي تەرگەۋ ءۇشىن جەتىسۋ اۋدانىنىڭ پوليتسيا باسقارماسىنا جەتكىزىلگەن.
ء«وز-وزىنە قول جۇمساۋ ارەكەتىنىڭ وبەكتيۆتى سەبەپتەرى انىقتالىپ جاتىر», دەپ قوستى الماتى پوليتسيا دەپارتامەنتىنىڭ ءباسپاسوز قىزمەتى.