ەكىباستۇز بيلىگى ەكىباستۇز جىلۋ ەلەكتر ورتالىعىندا جوندەۋ جۇمىستارىن جۇرگىزۋ ءۇشىن نىسان اۋقىمىندا توتەنشە جاعداي جاريالادى, دەپ حابارلايدى Egemen.kz.
«Energy Solutions Center» جشس-دە بولعان توتەنشە جاعدايعا بايلانىستى ەكىباستۇز قالاسىنداعى نىسان اۋقىمىندا تەحنوگەندىك سيپاتتاعى توتەنشە جاعداي جاريالانسىن», دەلىنگەن قۇجاتتا.
توتەنشە جاعداي 1 شىلدەدەن باستاپ كۇشىنە ەندى. قالا اكىمدىگىنىڭ ءباسپاسوز قىزمەتىندە تۇسىندىرىلگەندەي, بيىلعى جىلدىڭ ماۋسىم ايىندا ەكىباستۇز جەو «سامۇرىق-ەنەرگو» اق-نىڭ ارنايى قۇرىلعان ەنشىلەس كاسىپورنى «Energy Solutions Center» جشس سەنىمگەرلىك باسقارۋىنا بەرىلدى. وتكەن جىلى ستانسادا نەگىزگى جانە قوسالقى جابدىقتارعا اۋقىمدى جوندەۋ جۇمىستارى جۇرگىزىلدى. 10 قازاندىق قوندىرعىنىڭ 8-ءى كۇردەلى جوندەۋدەن ءوتتى, تاعى ەكەۋى بيىل جوندەۋمەن قامتىلدى, بۇل جىلۋ بەرۋ ماۋسىمىنداعى اقاۋلاردىڭ الدىن الۋعا مۇمكىندىك بەردى.