ءۇش كۆوتا ءبولدى

كۆوتانىڭ ءبىرى بىلتىر وت­كەن الەم چەمپيو­ناتىندا پارا جەڭىل اتلەتيكادان قولا مەدال ولجالاعان داستان مۇقاشبەكوۆكە بۇيىردى. ەكى جولداما ۇلتتىق قۇراماداعى ايەل جانە ەر ادامعا بەرىلەدى.

«جاتتىقتىرۋشىلار شتابى مەن دەنە مۇم­كىندىكتەرى شەكتەۋلى تۇلعالارعا ارنالعان سپورتتىق دايارلىق ورتالىعى قىزمەتكەرلەرىنىڭ شە­شىمىمەن قالعان ەكى كۆوتا كىمگە بەرىلە­تىندىگى ناقتىلانادى. تاڭداۋ كەزىندە سپورتشىلاردىڭ الەمدىك رەيتينگتەگى كورسەتكىشى, ولاردىڭ سوڭعى جەتىستىكتەرى مەن قازىرگى دايىندىعى ەسكەرىلەتىن بولادى», دەدى دەنە مۇمكىندىكتەرى شەكتەۋلى تۇلعالارعا ارنالعان سپورت­تىق دايارلىق ورتالىعىنا قاراستى كوماندا جەتەكشىسى ماۋ­لەن ناسىپقالي.

بۇگىنگە دەيىن قازاقستاننىڭ سپورتشىلارى پاريج جازعى پاراليمپيادا ويىندارىندا سپورتتىڭ 8 تۇرىنەن 16 ليتسەنزيا يەلەندى. ولاردىڭ ىشىندە: پارا پاۋەرليفتينگ – 1, پارا جەڭىل اتلە­تيكا – 3, پارا ءجۇزۋ – 4, ۆو­لەي­بولدى وتىرىپ ويناۋ –1, پارا ۇستەل تەننيسى –1, پارا تاەكۆوندو – 3, پارا كانوە –2, پارا وق اتۋدان 1 جولداما بار.

28 تامىز مەن 8 قىركۇيەك ارا­لىعىندا وتەتىن الاماندا قاتى­سۋ­شىلار 23 سپورت تۇرىنەن 549 مە­دال جيىنتىعى ءۇشىن دوداعا تۇسەدى.