تاريحي ناتيجە تىركەلدى

F توبىنداعى 3-تۋر ويىندارىندا سەنساتسيالىق ناتيجە تىركەلدى. ايدى اسپانعا شىعارعان گرۋزيا قۇراماسى ازۋى التى قارىس, الەمنىڭ ۇزدىك ويىنشىسى, اڭىز فۋتبولشى كريشتيانۋ رونالدۋ باستاپ شىققان پورتۋگاليا ۇلتتىق قۇراماسىن 2:0 ەسەبىمەن ەسەڭگىرەتە ۇتىپ, پلەي-وفف كەزەڭىنە جولداما الدى.

جاۋىرىنعا قاراپ ساۋەگەيلىك تانىتقاندار بۇل توپتا گرۋزيا قۇرا­ماسىن اۋتسايدەر ساناپ, كۇنى بۇرىن ساپتان شىعارىپ تا تاستاعان ەدى. تۇركيا قۇراماسىنان 3:1 ەسەبىمەن ۇتىلعاندا, چەحيا فۋتبولشىلارىمەن 1:1 ويناپ, 1 ۇپاي ولجالاعاندا دا گرۋزيندەر توپتان شىعادى دەگەنگە اسا سەنىم ورناي قويعان جوق. دەسە دە وسى ەلدىڭ ۇلتتىق قۇراماسىنىڭ باس باپكەرى لاۋازىمىنا 2021 جىلى تاعايىندالعان فرانتسۋز مامانى ۆيللي ءسانولدىڭ ەڭبەگى ماقتاۋعا تۇرارلىق-اق. تەگەۋرىندى قۇرامانىڭ قاھا­رىنان ىقپاي, كەرىسىنشە جالىن جىعۋدىڭ جولىن كورسەتتى. 2-مينۋتتا حۆيچا كۆاراتسحەليا ەۋروپا چەمپيوناتىنىڭ فينالدىق كەزەڭىندەگى العاشقى گولىن سوعىپ, قۇراماسىن العا شىعاردى. 57-مينۋتتا پەنالتيدەن ەسەپتى ەسەلەي تۇسكەن جورج ميكاۋتادزە ەنشىسىنە ءۇشىنشى گولىن جازىپ, وسى قۇرلىق دوداسىندا مەرگەندەر كوشىن باستادى.

پورتۋگاليا قۇراماسىنىڭ كا­پيتانى كريشتيانۋ رونالدۋ بۇعان دەيىن ەۋروپا چەمپيوناتىنىڭ فينالدىق ويىن­دارىنا 5 مارتە قاتىسىپ, بارلىق دودانىڭ توپ­تىق كەزەڭىندە گول سوققان بولاتىن. ال بيىلعى الاماندا ساقا ويىن­شىنىڭ شاۋ تارتا باستاعانى ايقىن بايقالدى. رو­نالدۋ توپتىق كەزەڭدەگى ءۇش ماتچتا دا گول توعىتا المادى. بۇل توپتاعى سوڭعى ويىندى وتكىزگەن چەحيا قۇراماسى تۇركيا فۋتبولشىلارىنا 1:2 ەسەبىمەن ەسە جىبەردى.

ە توبىنىڭ توپتىق كەزەڭدەگى ويىندارىنان كەيىنگى تۇزىلگەن ستاتيستيكاسى قىزىق. 3 تۋر ويىندارىندا تەڭ ناتيجە تىركەلدى. ۋكراينا مەن بەلگيا قۇراماسى اراسىنداعى ماتچتا ەسەپ اشىلعان جوق. ال سلوۆاكيا مەن رۋمىنيا قۇرامالارى اراسىنداعى تارتىستا 1:1 ەسەبى تىركەلدى. دۋدا 24-مينۋتتا ەسەپ اشقانىمەن, 37-مينۋتتا مارين پەنالتيدەن تارازى باسىن تەڭەستىردى. توپتىق كەزەڭدەگى ءۇش ماتچتان كەيىن ءتورت قۇراما دا 4 ۇپايدان جينادى. تەك گول ايىرماسىنىڭ ارقاسىندا رۋمىنيا, بەلگيا, سلوۆاكيا قۇرامالارى پلەي-وفف كەزەڭىنە ءوتتى.

ەندى 6 توپتان ۇزدىك شىققان 16 قۇ­راما 8/1 فينالدىق تارتىسىن باستايدى. ەرتەڭ شۆەيتساريا قۇراماسى 2021 جىلى وتكەن ەۋروپا چەمپيوناتىنىڭ جە­ڭىمپازى يتاليا قۇراماسىنا قارسى وينايدى. ءتورت جىل بۇرىن شۆەيتساريا مەن يتاليا قۇرامالارى ءبىر توپقا ءتۇسىپ, پلەي-وففقا ءوتتى. ءتىپتى 8/1 فينالدا شۆەيتساريا قۇ­راماسى ازۋلى فرانتسيا فۋتبولشىلارىمەن 90 مينۋت بويى تەڭ ويناپ (ەسەپ 3:3) پەنالتي سەرياسىندا جەڭىستى ج ۇلىپ العان بولاتىن. الايدا شيرەك فينالدا يسپانيا قۇراماسىمەن نەگىزگى ۋاقىتتا 1:1 ناتيجەسىمەن تارتىسىپ, پەنالتيدەن 1:3 ەسەبىمەن جول بەرگەن بولاتىن. بيىل سول بيىگىنەن اسۋ ءۇشىن الدىمەن يتاليا فۋتبولشىلارىن توقتاتۋعا ءتيىس. بۇعان دەيىن قوس قۇراما ءوزارا 16 مارتە جولى ءتۇيىسىپ, 8 رەت يتاليا فۋتبولشىلارى جەڭسە, شۆەي­تساريالىقتاردىڭ 3 ماتچ­تا مەرەيى ۇستەم تۇسكەن. 8 ويىندا تەڭ ناتيجە تىركەلدى.

30 ماۋسىمدا گەرمانيا دانيا قۇ­را­ماسىن قابىلدايدى. 1992 جىلى شۆە­تسيادا وتكەن ەۋروپا چەمپيوناتىنىڭ فينالىنا وسى ەكى قۇراما شىعىپ, دات فۋتبولشىلارى 2:0 ەسەبىمەن جەڭگەن بولا­تىن. ودان كەيىن 2012 جىل وتكەن قۇر­لىق دوداسىندا قوس قۇراما ۆ توبىنا ءتۇستى.

پلەي-وفف كەزەڭىنىڭ قالعان ويىندارى مىناداي:

يسپانيا (1ۆ) — گرۋزيا (3F)

گەرمانيا (1ا) — دانيا (2س)

پورتۋگاليا (1F) — سلوۆەنيا (3C)

فرانتسيا (2D) — بەلگيا (2ە)

رۋمىنيا (1ە) — نيدەرلاندى (3D)

اۋستريا (1D) — تۇركيا (2F)

انگليا (1C) — سلوۆاكيا (3ە)

شۆەيتساريا (2ا) — يتاليا (2ۆ)