سەناتتىڭ الەۋمەتتىك-مادەني دامۋ جانە عىلىم كوميتەتىنىڭ توراعاسى نۇرتورە ءجۇسىپ مەملەكەتتىك قىزمەت ىستەرى اگەنتتىگى جانىنداعى ادەپ جونىندەگى كوميسسيانىڭ وتىرىسىنا قاتىستى, دەپ حابارلايدى Egemen.kz جوعارعى پالاتانىڭ ءباسپاسوز قىزمەتىنە سىلتەمە جاساپ.
شاراعا قاتىسۋشىلار HR-مەنەدجەرلەردى دايارلاۋ جانە مەملەكەتتىك قىزمەت سالاسىنىڭ تارتىمدىلىعىن ارتتىرۋ ماسەلەلەرىن تالقىلادى.
ء«ارتۇرلى مەكەمەلەردە بىردەي لاۋازىمدى اتقاراتىن مەملەكەتتىك قىزمەتشىلەرگە ەڭبەكاقى تولەۋدە ۇلكەن الشاقتىق, سونداي-اق ەڭبەكاقى تولەۋدە باسەكەلەستىك ەمەس احۋال بايقالادى. باسشى لاۋازىمدارداعى مەملەكەتتىك قىزمەتشىلەر كوممەرتسيالىق ۇيىمدار باسشىلارىنىڭ جالاقىسىنان تومەن اقشا الۋى مۇمكىن, كەيىننەن ول بەلگىلى ءبىر زياندى سالدارعا اكەلۋى ىقتيمال. مەملەكەتتىك قىزمەتشىلەردى ىنتالاندىرۋدى ءتيىمدى جەتىلدىرۋ ماسەلەسى دە ماڭىزدى بولىپ تابىلادى. بۇل ماسەلەگە حالىقارالىق تاجىريبەنى, اتاپ ايتقاندا, باتىس ەلدەرىن, سونداي-اق جاپونيا مەن مالايزيانى زەردەلەۋ ارقىلى جان-جاقتى قاراۋ كەرەك», دەدى نۇرتورە ءجۇسىپ.
سەناتور سونىمەن قاتار مەملەكەتتىك قىزمەتكە كانديداتتاردى ىرىكتەۋدى جەتىلدىرۋدە جاساندى ينتەللەكت قۇرالدارىن پايدالانۋدىڭ ماڭىزدىلىعىن اتاپ ءوتتى. دەپۋتاتتىڭ پىكىرىنشە, مۇنداي وزگەرىستەر كادرلاردى قالىپتاستىرۋ پروبلەماسىن شەشۋگە مۇمكىندىك بەرەدى, بۇل ءوز كەزەگىندە «ادال ادام – ادال ەڭبەك – ادال تابىس» تۇجىرىمداماسىن ىسكە اسىرۋدىڭ باستاپقى نۇكتەسىنىڭ بىرىنە اينالادى.