ءبىر كۇن بۇرىن مۋزىكانت ەرلان كوكەەۆ «Air Astana» قىزمەتكەرلەرى گيتاراسىن جوعالتىپ العانىنا شاعىمدانعان ەدى. اۋە كومپانياسى تەكسەرۋ جۇرگىزىپ, باعالى اسپاپقا نە بولعانىن انىقتادى, دەپ حابارلايدى Egemen.kz.
كومپانيانىڭ باگاجدى ىزدەۋ قىزمەتىنىڭ قىزمەتكەرلەرى رەيس الدىندا ە.كوكەەۆكە گيتارانى قول جۇگى رەتىندە وزىمەن بىرگە الىپ ءجۇرۋدى ۇسىنعان. بىراق مۋزىكانت اسپاپتى تاپسىرىپ, سىرتىنا «اينەك» بەلگىسىن قويۋدى وتىنگەن.
بەينەباقىلاۋ كامەراسىنىڭ جازبالارى بويىنشا گيتارا الماتى اۋەجايىندا ءتۇسىرىلىپ, باگاج لەنتاسىندا بولعانى بەلگىلى بولدى.
«كەيىن سول رەيستىڭ قىزىل باس كيىم كيگەن جولاۋشىسى باگاج لەنتاسىنان ەرلان كوكەەۆتىڭ گيتاراسىن الىپ كەتكەن. اۋە كومپانياسى قىزىل باس كيىم كيگەن جولاۋشىدان گيتارانى ەرلان كوكەەۆكە قايتارىپ بەرۋىن سۇرايدى. ايتپەگەن جاعدايدا ەرلان كوكەەۆتەن جولاۋشىنىڭ جەكە باسىن ءارى قاراي انىقتاۋ جانە جوعالعان م ۇلىكتى ىزدەۋ ءۇشىن قۇقىق قورعاۋ ورگاندارىنا حابارلاسۋدى سۇرايمىز», دەپ حابارلادى اۋە كومپانيانىڭ ءباسپاسوز قىزمەتى.
اۋە كومپانياسى مۋزىكانتتىڭ اسپابىن ىزدەۋدە پوليتسياعا كومەكتەسۋگە ۋادە بەردى.