«قيىن اۋدانداعى» كىسى ءولىمى

پاۆلودار قالاسىنداعى ­مۇت­­­­كە­نوۆ كوشەسى, №53 مەكەن­جا­­يىن­دا ورنالاسقان كوپ­قا­بات­­­تى تۇر­عىن ءۇيدىڭ اۋماعى, پو­لي­تسەي­لەردىڭ تىلىمەن ايتقان­دا, «قيىن اۋدان». ىشىمدىككە سالىن­عاندار, تۇرمەدە جازاسىن وتەپ كەلگەندەردىڭ دەنى وسى ماڭايدى جاعالايدى. اسىرەسە ءۇي الدىن­دا بالا-شاعانىڭ ويناپ جۇرگەنى­­نە قاراماي, جينالىپ, الكو­گول­دى ىشىمدىك ءىشىپ وتىراتىن­دار بارشىلىق. ءبىر قاراعاندا, سوناۋ 90-جىلداردىڭ ورتاسىندا­عى كورىنىسكە ۇقسايتىنى دا راس.

وسىدان ەكى جىل بۇرىن ءدال وسى جەردە كىسى ءولىمى بولدى. الگى ۇيدە تۇراتىن ەر ادامنىڭ ءبىرى اراق ءىشىپ وتىرىپ ابايسىزدا كورشىسىن يتەرىپ جىبەرىپ, ءولتىرىپ الدى. قىلمىس جاساعان ءدال سول ازامات ارادا ەكى جىل وتكەندە وزگە كورشىسىنىڭ قولىنان قازا تاباتىنىن كىم بىلگەن. وسىدان ەكى جىل بۇرىنعى كىسى ءولىمى 16 ماۋسىم كۇنى بولعان ەكەن. اراعا ەكى جىل سالىپ, زۇلمات ءدال سول كۇنى قىلمىسكەردىڭ ءوز باسىنا ورالىپ وتىر. كورشىلەرى مۇنى كەك الۋ, الدىن الا ويلاستىرىلعان قىل­مىس دەپ ەسەپتەيدى.

وڭىرلىك پوليتسيا دەپار­تا­مەنتىنەن حابارلاعانداي, 16 ماۋسىم كۇنى اتالعان ءۇيدىڭ ­اۋلاسىندا ەر ادام ءوز كورشى­سىن پىشاقپەن بىرنەشە جەرى­نەن جارالاپ, ولتىرگەن. وقيعا كۋا­گەرلەردىڭ كوزىنشە ءوربىپ, كور­شىلەرى بىردەن جەدەل جار­دەمگە حابارلاسقان. الايدا كە­لىپ جەت­كەن مەديتسينالىق بريگا­دا ارىستاي ازاماتتىڭ سول جەر­دە ءجانتاسىلىم ەتكەنىن انىقتادى.

«قازىرگى ۋاقىتتا كۇدىكتى ۇستا­لىپ, پاۆلودار قالاسى پوليتسيا باسقارماسى ۋاقىتشا ۇستاۋ يزولياتورىنا قامالدى. كىسى ءول­تىرۋ فاكتىسى بويىنشا تەرگەۋ جۇر­گىزىلىپ جاتىر. قىلمىستىڭ ءمان-جايى مەن سەبەپتەرى تەرگەۋ بارىسىندا انىقتالادى», دەپ حابارلادى سولتۇستىك پوليتسيا ءبولىمى باسشىسىنىڭ ورىنباسارى جاراس يبراەۆ.

كورشىلەرىنىڭ سوزىنشە, قاي­تىس بولعان ادام وسىدان ەكى جىل بۇرىنعى قىلمىسى ءۇشىن تۇرمەدە ءبىر جارىم جىل وتىرىپ كەلگەن. جاقىندا بوساپ شىققان ونى وزگە ءبىر كورشىسى كەك الۋ ماقساتىندا ولتىرگەنگە ۇقسايدى. سەبەبى ول قىلمىستىق ارەكەتىن جۇزەگە اسىرىپ بولعان سوڭ, ەشقايدا قاشپاعان. پىشا­عىن ۇستاعان كۇيىندە كىرەبەرىس الدىنا وتىرىپ, اسىقپاي پولي­تسەي­لەردىڭ كەلۋىن كۇتكەن.

پاۆلودار