اليمەنتتەن جالتارعاندار

اسىرەسە 25-40 جاستاعى ەر ادام­دار اراسىندا بارلىق تابىسىن بۋكمەكەرلىك كەڭسەلەر­گە سالىپ, وتباسىن اسىراۋدان جالتارىپ, بالاسىنا اليمەنت تولەۋدەن قاشىپ جۇرگەندەر كوبەيگەن. تالداۋ ناتيجەسى الي­مەنتتەن جالتارعاندار­دىڭ كوبى بۋكمەكەرلىك كەڭسەلەر­دىڭ تۇراقتى كليەنتتەرى ەكە­نىن كورسەتتى. ماسەلەن, اقتو­بە وبلىستىق پوليتسيا دەپار­تا­مەنتىنىڭ قاراۋىنداعى 189 ىزدەستىرۋ ءىسىنىڭ 138-ءى بالالارىنا ماتەريالدىق كومەك كور­سەتۋدەن ءۇزىلدى-كەسىلدى باس تارتىپ, اتا-انالىق قۇقىقتارىن جالتارعاندارعا قاتىستى تىر­كەلدى. مۇنىمەن ءبىر كەزدە وڭىر­دە اليمەنت بويىنشا قارىز­دىڭ جالپى سوماسى 30 ميلليون تەڭگەدەن اسىپ بارادى. پوليتسيا اليمەنتتەن جالتارعانداردىڭ دەرەكتەرىن تەكسەرۋ بارىسىندا وسى تىزىمدەگى 40-قا جۋىق اتا-انانىڭ بۋكمەكەرلىك كەڭسەلەرگە ءجيى باس سۇعىپ, وسى جەردە ۇنەمى قوماقتى قارجى جوعالتاتىنىن انىقتادى.

«بيىل قابىلدانعان شارالار ناتيجەسىندە بالاسىنا اليمەنت تولەمەگەنى ءۇشىن ىزدەۋ­دە جۇرگەن 128 ازاماتتىڭ تۇر­عىلىقتى جەرى انىقتالسا, ولار­دىڭ 30-ى بۋكمەكەرلىك كەڭ­سەلەردىڭ تۇراقتى كليەنتى بولىپ شىقتى. ال ولاردىڭ بالالارىنا اليمەنت قارىزى­نىڭ سوماسى بۋكمەكەرلىك كەڭ­سەلەردە ءباس تىگۋدە جوعالتقان اقشالارىنان بىرنەشە ەسە از. ماسەلەن, ك. دە­گەن ازاماتتىڭ كامەلەت جاسى­نا جەتپەگەن ءۇش بالاسىنا قاتىستى اليمەنت بەرەشەگى 2 ميل­ليون تەڭگەدەن استام بول­سا, كەيىنگى ەكى جىلدا وسى ازا­ماتتىڭ ەسەپشوتىنداعى اقشا اينالىمى 5 ميلليون تەڭ­گە­دەن اسىپ كەتكەن. مۇنداي مى­سال­دار وتە كوپ», دەپ كورسە­تىلگەن اقتوبە وبلىستىق پوليتسيا دەپارتامەنتى ءباسپاسوز قىزمەتىنىڭ حابارلاماسىندا.

سونداي-اق ىزدەستىرىلىپ جات­قان ازاماتتىڭ جاقىن تۋىستارى پوليتسيا قىزمەتكەرلەرى­نە ونىڭ قانداي مەكەنجايدا تۇ­رىپ جاتقانىن جانە جۇمىس ورنىن بارىنشا جاسىرۋعا تىرىسىپ باعادى ەكەن. اليمەنتتەن قاشىپ جۇرگەن اكەلەر دە كوپ جاعدايدا قۇقىق قورعاۋ ورگان­دارىنىڭ كوزىنە تۇسپەۋ ءۇشىن تومەن جالاقىعا زاڭسىز ەڭبەك ەتىپ, كەزدەيسوق تابىستارمەن كۇنەلتەدى. ايتا كەتۋ كەرەك, اليمەنت تولەۋدەن جالتارىپ, زاڭ تا­لاپتارىن ورىندامايتىندار ءۇشىن قىلمىستىق كودەكستىڭ 139-بابى بويىنشا قىلمىستىق جاۋاپكەرشىلىك كوزدەلگەن.

اقتوبە وبلىسى