1918 جىل. كۇز ايى. قوقان قالاسى. باسىنا اق سالدە, ۇزىن شاپان كيگەندەر – شاھار تۇرعىندارى. ىلعي ەر ادام. ولاردان ءسال جوعارىراق توردەگىلەر (سولدان وڭعا قاراي ساناعاندا): حادى فايزي, شافيك شايدۋللين, ءنازىر تورەقۇلوۆ, پۋلات ساليەۆ, ابدۋللا مۇستاقاەۆ. فوتونىڭ تومەنگى جاعىنا «قوقان قالاسىنداعى حالىق ۋنيۆەرسيتەتىنىڭ اشىلۋ سالتاناتى» دەپ كورسەتىلگەن. بۇل تاريحي فوتوسۋرەتتى اقتوبە وبلىستىق مەملەكەتتىك ءارحيۆىنىڭ قىزمەتكەرلەرى ۋفا قالاسىنداعى ۇلتتىق ارحيۆتەن تاپتى.
ءبىرتۋار قايراتكەر, كسرو-داعى تۇڭعىش قازاق ەلشىسى ءنازىر تورەقۇلوۆ (1892–1937) قوقاندا دۇنيەگە كەلگەن. وسى قالادا ءجاديت مەكتەبىن اياقتاعان. 1917 جىلعى اقپان توڭكەرىسىنەن كەيىن ورىنبورعا كەلىپ, «ەركىن دالا» ۇيىمىنىڭ قۇرىلتايىن وتكىزىپ, 1918 جىلى ساۋىردە «قازاق مۇڭى» گازەتىن شىعارعان. وسى جىلى جازدا قوقانعا ورالىپ, جۇمىسشى, ديقان جانە سولدات دەپۋتاتتارى كەڭەسىنە قىزمەتكە تۇرىپ, «حالىق گازەتىن» جانە «ينقيلوب» جۋرنالىن شىعارۋعا اتسالىستى.
وقۋ ورنىنىڭ اشىلۋ ءراسىمىن وتكىزگەن توپتىڭ اراسىندا وتىرعان قايراتكەر باسىنا كەڭ جيەكتى قالپاق كيگەن. جانىندا – جاڭا ساياساتتاعى سەرىكتەرى. جيىن قالا ورتاسىنداعى ءجامي مەشىت جانىندا وتكەن سياقتى. ادامداردىڭ ارتىندا كىرپىشتەن ورىلگەن مەشىت نە مەدرەسە عيماراتىنىڭ ەسىگى مەن تەرەزەسى انىق كورىنىپ تۇر.
اقتوبە وبلىسى