قازاقستاننىڭ سىرتقى ىستەر مينيسترلىگى 17 ماۋسىمدا گەرمانيادا جوعالىپ كەتكەن قازاقستاندىق ايەلدىڭ ءولى تابىلعانىن راستادى, دەپ حابارلايدى Egemen.kz.
«گەرمانيا قىلمىستىق پوليتسياسىنىڭ قازاقستان رەسپۋبليكاسىنىڭ فرانكفۋرتتاعى باس كونسۋلدىعىنا بەرگەن اقپاراتىنا سايكەس, 16 ماۋسىمدا بەنسحايم قالاسىنىڭ ماڭىندا ايەلدىڭ ءمايىتى تابىلدى. كريميناليستەر سوت-مەديتسينالىق ساراپتاما جۇرگىزىپ جاتىر. ءوز كەزەگىندە پوليتسيانىڭ اۋىزشا الدىن الا بەرگەن اقپاراتىنا سايكەس, سىرتقى بەلگىلەرى بويىنشا ءمايىت قازاقستان ازاماتى ايگۇل سايلىباەۆا دەپ تانىلدى», دەلىنگەن حابارلامادا.
ۆەدومستۆو قازىرگى ۋاقىتتا مارقۇمنىڭ تۋىستارى گەرمانيادا ەكەنىن جانە ولارعا بارلىق قاجەتتى كونسۋلدىق-قۇقىقتىق كومەك كورسەتىلىپ جاتقانىن حابارلادى.
«گفر قۇقىق قورعاۋ ورگاندارى ءتيىستى تەرگەۋ شارالارىن جۇرگىزىپ جاتىر. بۇل ءىس تۋرالى وزگە اقپارات تەرگەۋ مۇددەلەرى ءۇشىن جاريالانبايدى», دەپ اتاپ ءوتتى سىرتقى ىستەر مينيسترلىگى.