پرەزيدەنت قاسىم-جومارت توقاەۆ جامبىل وبلىسى وتار اۋىلىنداعى اسكەري بولىمدە مەرزىمدى قىزمەتىن اتقارىپ جاتقان ساربازدىڭ كوماعا تۇسۋىنە قاتىستى ءىستى باقىلاۋدى تاپسىردى. بۇل تۋرالى مەملەكەت باسشىسىنىڭ كەڭەسشىسى ءارى ءباسپاسوز حاتشىسى بەرىك ءۋالي الەۋمەتتىك جەلىدەگى پاراقشاسىندا مالىمدەدى, دەپ جازادى Egemen.kz.
«پرەزيدەنت قاسىم-جومارت توقاەۆ جامبىل وبلىسى وتار اۋىلىنداعى اسكەري بولىمدە مەرزىمدى قىزمەتىن وتەپ جاتقان ساربازدىڭ كوماعا تۇسۋىنە قاتىستى اناسىنىڭ الەۋمەتتىك جەلىلەردە جاريالاعان ۇندەۋىمەن تانىستى. مەملەكەت باسشىسى بولعان وقيعانىڭ ءمان-جايىن مۇقيات زەرتتەپ, كىنالى ادامداردى جازالاۋدى تالاپ ەتتى.
پرەزيدەنت قورعانىس مينيسترىنە ارميادا مۇنداي جاعدايعا جول بەرمەۋ قاجەت ەكەنىن ەسكەرتىپ, تەرگەۋ امالدارىن باقىلاۋعا الۋدى تاپسىردى», دەلىنگەن بەرىك ءۋالي تاراتقان جازبادا.