قالدىقتاردى كادەگە جاراتىپ وتىر

تاراز قالاسىندا ورنالاسقان تەح­ني­كا­لىق شىعارماشىلىق ورتالىقتىڭ تاربيەلەنۋشىلەرى ەكولوگيالىق اكتسيادان جينالعان قوقىس قالدىقتارىن كادەگە جاراتۋعا نيەت ءبىلدىرىپ وتىر. جەرگىلىكتى بيلىك كەلتىر­گەن دەرەككە سەنسەك, ولار الداعى ۋاقىتتا قوقىس قالدىقتارىنان ءتۇرلى قولونەر بۇيىمىن جاساپ, اۋليەاتالىق الەۋمەتتىڭ نازارىنا ۇسىنباق.

تەحنيكالىق شىعارماشىلىق ورتا­لىقتا ءتالىم الىپ جاتقان جاسوس­پى­رىم­دەر دە ءىس-شاراعا قولداۋ ءبىلدىرىپ وتىر. ولار قازىرگى كەزگە دەيىن قوقىس قالدىقتارىنان 200-دەن استام كارتينا مەن قۋىرشاقتار جانە ىدىستار ازىرلەپ ۇلگەرگەن. قولونەرگە اڭسارى اۋعان جاس تالانتتار الداعى ۋاقىتتا بۇدان دا وزگە بۇيىمدار دايىندايدى.

بۇدان بولەك, ءبىلىم بەرۋ ۇيىم­دارىنىڭ جاس عالىمدارى ەكولو­­گيا­نى جاقسارتۋعا باعىتتالعان ءتۇرلى جوبا ازىرلەپ جاتىر. ناقتىراق ايت­ساق, تاراز قالاسىنداعى №7 مەك­تەپ-گيمنازياسىنىڭ وقۋشىسى د.ت­اراسەنكو «جاياۋ جۇرگىنشىلەر وتكەلدەرىنىڭ قاۋىپسىزدىگىن ارتتىرۋ», مەركى اۋدانىنداعى م. اۋەزوۆ اتىن­داعى مەكتەپ-ليتسەيدىڭ ءبىلىم الۋشىسى ج.جەڭىسحان «تازا قالا سىزدەن باستالادى», جۋالى اۋدانىنداعى ءا. بوكەيحان اتىنداعى №15 مەكتەپ-ليتسەيدىڭ وقۋ­شى­سى ا. وڭداسىن «اقىلدى ەكوجىلىجاي», مەركىدەگى №44 مەكتەپتىڭ ءبىلىم الۋشىلارى ا. ەركىنقىزى مەن ءو.ەڭسەبەك «ەكىنشى ءومىر سىيلا» تاقىرىبىنداعى جوبالاردى دۇنيەگە اكەلگەن. جاسوس­پى­رىمدەر مۇنىمەن توقتاپ قالماق ەمەس. ولار تاعى دا بىرنەشە جوبانى ازىرلەۋگە قۇلشىنىپ وتىر ەكەن. دەرەككە سەنسەك, قوقىس قالدىعىن وڭدەيتىن زاۋىت جوبالارى الداعى ۋاقىتتا تاراز قالاسىنداعى «كورمە» زالىندا رەسمي تانىستىرىلماق. جامبىل جۇرتى «تازا قازاقستان» ەكولوگيالىق اكتسيا­سىنا جاڭاشىل يدەيالارمەن كىرىسىپ جاتىر. ناۋقان اياسىندا جەرگىلىكتى بيلىك بىرنەشە بايقاۋ ۇيىمداستىرۋدى قولعا الۋعا بەكىنىپ وتىر. قازىردىڭ وزىندە بىرقاتار اۋداندا بىرنەشە بايقاۋ وتكىزىلىپ قويدى.

وبلىس ورتالىعى ماڭىنداعى جام­بىل اۋدانىنا قاراستى ەرنازار ­اۋلىندا كەلىندەر اراسىندا «ەڭ تازا اۋلا» باي­قاۋى ۇيىمداستىرىلدى. ءىس-شاراعا 35 جاسقا دەيىنگى 9 كەلىن قاتىستى. تۇرعىندار اراسىندا ەكولوگيالىق مادە­­­نيەت پەن تازالىقتى ساقتاۋدى ناسيحاتتاۋ ماقساتىندا وتكىزىلگەن بايقاۋ كوپشىلىكتىڭ كوڭىلىنەن شىقتى. كەلىندەر سايىسىن باعالاعان قازىلار القاسى اۋىل كەلىندەرىنىڭ ىسكەرلىگىنە ريزا بولدى. ال ۇزدىك شىققاندار باعالى سىيلىقتارمەن ماراپاتتالدى.

جالپى العاندا «تازا قازاقستان» ەكو­­لوگيالىق اكتسياسىنا ءوڭىردىڭ بار­لىق ­اۋدانى بەلسەندى قاتىسىپ ­جاتىر. وبلىس اۋماعىنداعى 10 اۋدان­دا «ەڭ تازا كوشە», «ەڭ تازا اۋلا», «ەڭ بەلسەندى ەرىكتى», «ەڭ بەلسەندى اۋىل تۇرعىنى», «ەڭ ۇزدىك اۋلا سىپىرۋشى» بايقاۋلارى رەت-رەتىمەن ۇيىمداستىرىلىپ جاتىر.

وسى ورايدا ەرىكتىلەردىڭ, بەل­سەن­­دى ازاماتتاردىڭ ەڭبەگىن اتاپ وتكەن ءجون. ناۋقان اياسىندا تاراز قالا­سىنداعى «مامىر» ساياباعىندا قالا تۇر­عىن­دارىنىڭ قاتىسۋىمەن تالاپقا ساي ساني­تارلىق-تازالىق جۇمىستارى جۇرگى­زىلدى. ال اۋدانداردا سەنبىلىكتەر مەن تازا­لىق جۇمىستارى تۇراقتى تۇردە ۇيىم­داستىرىلىپ جاتىر. جەرگىلىكتى بيلىك كەلتىرگەن دەرەككە جۇگىنسەك, تالاس وزەنىنىڭ جاعالاۋىنداعى, ايشا ءبيبى كوشەسىنىڭ بويىنداعى قوقىستار دەر كەزىندە جينالدى. بۇل جۇمىستار باۋىر­جان مومىش ۇلى كوشەسىندە ايالدامالاردى ارلەۋ, « ۇلى دالا», «قاراسۋ» شاعىن اۋداندارىندا دا جالعاسىن تاپپاق.

«تازا قازاقستان» ناۋقانى شەڭ­بە­رىندە وتكىزىلەتىن ءتۇرلى اكتسيالار ­ال­دا­عى كۇندەرى بارلىق اۋداندا­ وتپەك. ناقتىراق ايتساق, بايزاق اۋدا­نىنىڭ ورتالىق ساياباعى, جامبىل اۋدانىنداعى ايشا ءبيبى كەسەنەسى, مەركى اۋدانىنداعى سىپاتاي باتىر, سارىسۋ اۋدانىنداعى شوقاي داتقا كەسەنەلەرىنىڭ ماڭىن قوقىستان تازارتۋ جۇمىستارى جۇر­گىزىلەدى. سونداي-اق شۋ قالاسىنداعى تەمىرجولشىلار ساياباعىندا دا بۇل جۇمىس جالعاسادى.

جامبىل وبلىسى