الەمگە تانىمال امەريكالىق مانەرلەپ سىرعاناۋشى ءارى تالىمگەر فرەنك كەررولل 85 جاسىندا قايتىس بولدى. فرەنك كەررول وتانداسىمىز دەنيس تەندى جاتتىقتىرعان, دەپ حابارلايدى Egemen.kz.
فرەنك كەررولل وليمپيادا جانە الەم چەمپيونى ەۆان ليساچەك, بەس دۇركىن الەم چەمپيونى ميشەل كۆان جانە ەكى دۇركىن الەم چەمپيونى ليندا فراتياننانى جاتتىقتىرعان.
دارىندى شاكىرتتەردىڭ قاتارىندا بەلگىلى مانەرلەپ سىرعاناۋشى دەنيس تەن دە بولعان.
«امەريكا مانەرلەپ سىرعاناۋ سپورتى اڭىزعا اينالعان جاتتىقتىرۋشى فرەنك كەرروللدىڭ قايتىس بولۋىنا بايلانىستى قايعى جامىلدى. ول وليمپيادا جانە الەم چەمپيوندارىن, داڭق زالىنىڭ مۇشەلەرىن تاربيەلەپ, تاجىريبەسىن ءبولىستى», دەلىنگەن اقش مانەرلەپ سىرعاناۋ فەدەراتسياسىنىڭ مالىمدەمەسىندە.
ايتا كەتەيىك, فرەنك كەررولل ءوز ءومىرىنىڭ 60 جىلعا جۋىق ۋاقىتىن جوعارى ساناتتى مانەرلەپ سىرعاناۋشىلاردى دايىنداۋعا ارناعان.