بەلگيانىڭ فەدەرالدى پارلامەنتىنە سايلاۋ كەزىندە Flemish Open Vld پارتياسى از داۋىس جينادى. وسىعان بايلانىستى پارتيانىڭ جەتەكشىسى, قازىرگى پرەمەر-مينيستر الەكساندر دە كرو وتستاۆكاعا كەتۋ تۋرالى شەشىم قابىلدادى, دەپ حابارلايدى Egemen.kz.
كەشە بەلگيادا ەۋروپارلامەنت پەن فەدەرالدى جانە ايماقتىق دەڭگەيدەگى وكىلدى ورگانداردىڭ سايلاۋى ءوتتى.
فلاماندىق بولىك بويىنشا سايلاۋدا بارتا دە ۆەۆەرانىڭ «N-VA» (جاڭا فلاماندتىق اليانسى) ۇلتشىل پارتياسى جەڭىسكە جەتتى.
«N-VA» جارعىسى باپتارىنىڭ ءبىرى تاۋەلسىز فلاندريانى قۇرۋدى ماقسات ەتەدى. كوشى-قونعا قارسى اسىرە وڭشىل پارتيا Vlaams Belang N-VA-دان ءسال ارتتا قالدى, بىراق بولجامدارعا قاراماستان, فلاندرياداعى ۇلتشىلداردى قۋىپ جەتە الماي كەلەدى.
پرەمەر-مينيستر ا.كرونىڭ ليبەرالدى Open VLD پارتياسى بەلگيانىڭ سولتۇستىگىندە جەڭىلىپ قالدى (سايلاۋ ناتيجەسى 10%-دان تومەن بولدى).
ۆاللونيادا جەرگىلىكتى سوتسياليستەردىڭ تاسى ورگە دومالاپ كەلەدى. ال بريۋسسەلدە ءفرانتسۋزتىلدى ليبەرالدى «MR» پارتياسى جەڭىسكە جەتتى.
الەكساندر دە كرو سايلاۋ جەڭىمپازدارى N-Vا, «فلاامس بەلانگا» جانە بەلگياداعى ءفرانتسۋزتىلدى «MR» پارتيالارىنىڭ جاقتاستارىن قۇتتىقتادى.