بالالار مەن جاسوسپىرىمدەرگە ارنالعان سپورت سەكتسيالارىنا مەملەكەتتىك سپورتتىق تاپسىرىستى ورنالاستىرۋ جانە ولاردىڭ جۇمىس ىستەۋى قاعيدالارىنا وزگەرىستەر ەنگىزىلدى. بۇل تۋريزم جانە سپورت مينيسترلىگىنىڭ 2024 جىلعى 17 مامىرداعى بۇيرىعى نەگىزىندە جاسالدى, دەپ حابارلايدى Egemen.kz اتالعان مينيسترلىكتىڭ ءباسپاسوز قىزمەتىنە سىلتەمە جاساپ.
ۆەدومستۆونىڭ مالىمەتىنشە, ەندى سپورت سەكتسياسىنا قابىلداۋ كەزەگى اقپاراتتىق جۇيەدە اۆتوماتتى رەجيمدە جۇرگىزىلەدى. سونداي-اق بالانىڭ جانە زاڭدى وكىلىنىڭ تەگى, اتى, اكەسىنىڭ اتى (بار بولعان جاعدايدا), سپورت سەكتسياسىنىڭ ءتۇرى, ءوتىنىشتىڭ ءنومىرى مەن ۋاقىتى, سەكۋندتىڭ ۇلەسىنە دەيىن دالمە-ءدال, كەزەكتەگى رەتتىك ءنومىردى قامتيتىن اقپاراتتىق جۇيە ۇسىنعان مالىمەتتەر نەگىزىندە بولۋگە ارنالعان ورىنداردىڭ ءتىزىمىن قامتيدى. كەزەك بالالاردىڭ زاڭدى وكىلدەرىنىڭ بەرگەن ءوتىنىشى بويىنشا بالانىڭ جاس شەكتەۋلەرى ەسكەرىلە وتىرىپ, ءونىم بەرۋشىنىڭ ءاربىر سپورت سەكتسياسى بويىنشا جەكە قۇرىلادى.
«ىشكى ىستەر ورگاندارىندا ەسەپتە تۇرعان دەۆيانتتى مىنەز-ق ۇلىقتى بالالار باسىم تارتىپپەن اقپاراتتىق جۇيەدە تىركەلەدى. وسى نورمانى قوسۋ ارقىلى ەرەجەلەر ء«بىلىم تۋرالى» زاڭنىڭ 47-بابىنىڭ 5-1-تارماعىنا سايكەستەندىرىلدى. بۇدان بولەك, تۇزەتۋلەرمەن كەزەكتەگى پوزيتسيا زاڭدى وكىلدەردىڭ ءوتىنىشتى قايتارىپ الۋىنا بايلانىستى نەمەسە ۆاۋچەردى الۋ جانە بالالاردىڭ كەزەكتەن شىعۋى سەبەبىنەن كەمۋ جاعىنا قاراي جانە وسى ۆاۋچەرلەردى ءونىم بەرۋشى كەرى قايتارىپ العان بالالاردىڭ كەزەككە ورالۋ سەبەبى بويىنشا ءوسۋ جاعىنا قاراي جىلجۋى كوزدەلەدى. كەزەكتە ورىن اۋىستىرۋعا جول بەرىلمەيدى», دەلىنگەن حابارلامادا.
بۇل تۇزەتۋلەر نورماتيۆتىك قۇقىقتىق اكتىنى اقپاراتتىق جۇيەنىڭ قولدانىستاعى فۋنكتسيونالىنا سايكەس كەلتىرۋ ءۇشىن ەنگىزىلگەن. ماسەلەن, قازىر ءىس جۇزىندە كەزەكتە بالانىڭ جانە زاڭدى وكىلىنىڭ اتى-ءجونى, ءوتىنىشتىڭ بەرىلگەن كۇنى, سپورت سەكتسياسىنىڭ ءتۇرى, كەزەكتەگى رەتتىك ءنومىرى كورسەتىلەدى.