جارىس كۇندەلىگى

پولشانىڭ جەشۋۆ قالا­سىندا سپورتتىق اكروباتيكادان وتكەن الەم كۋبوگىنىڭ كەزەڭدىك سايىسىندا ديل دانيەل مەن ۆا­ديم شۋليار كۇمىس مەدالدى يە­لەندى. 15 ماۋسىمدا وڭتۇستىك كو­رەيا­نىڭ موكپو قالاسىندا يادرو, ديسك, بالعا جانە نايزا لاق­تى­­رۋدان ليتسەنزيالىق ازيا چەم­پيوناتىنىڭ شىمىلدىعى تۇرىلەدى. بۇل جارىستا قازاق­ستاننىڭ تۋى استىندا يۆان يۆا­نوۆ (يادرو), ارتۋر گافنەر (نايزا), ەۆگەني ميلوۆاتسكي (ديسك) جانە اناستاسيا كالوشينا (بالعا) سىندى سپورتشىلار ونەر كورسەتەدى. بۇل كۇندەرى حورۆاتيانىڭ استاناسىندا «WTT Contender Zagreb» ءتۋرنيرى وتۋدە. زاۋرەش اقاشەۆا ءۇشىنشى اينالىمعا دەيىن جەتتى. ول سەربيالىق دراگان ۆينەۆيچ پەن يتاليالىق دەبورا ۆيۆارەلليدى ۇتقانىمەن, ءۇشىنشى كەزەڭدە توكيو وليمپياداسىنىڭ قولا جۇلدەگەرى, بيىلعى الەم چەمپيونى لي حو چينگكە جول بەردى. جۇپتىق جارىستا زاۋ­رەش پەن ۆيۆەن شولتس (ليۋك­سەمبۋرگ) تايلاندتىق دجين­نيپا ساۆەتتابۋت/ۆانۆيسا اۋە­اۆي­ريايوتحيننەن ايلاسىن اسىر­عانىمەن, ىلە-شالا فران­تسيس­كە شرەينەر/سوفي كلي (گەر­مانيا) ەسە جىبەردى. ال الان قۇرامانعاليەۆ جانە ايدوس پەن داستان كەنجەعۇلوۆتار باستاپقى باسەكەلەرىندە ءسۇرىندى. الان گون­كونگتىق چان بولدۋين, ايدوس چە­حيالىق ليۋبومير يانچاريك جانە داستان مىسىرلىق موحامەد ەل-بەياليدىڭ وسال تۇسىن تابا المادى. ىستانبۇلدىڭ «بەشيك­تا­شىندا» ويناپ جۇرگەن ەلىمىزدىڭ تانىمال فۋتبولشىسى باحتيەر زاينۋتدينوۆ كەلەسى ماۋسىمدا رەسەي پرەمەر-ليگاسىنا ورالۋى مۇمكىن. كەيبىر دەرەككوزدەرگە سەنسەك, قازاقستان قۇراماسىنىڭ جارتىلاي قورعاۋشىسى ءۇشىن سانكت-پەتەربۋرگتىڭ «زەنيتى» تۇر­كيالىق كلۋبقا 4,5 ميلليون ەۋرو تولەۋگە ءازىر. قازىرگى كەزدە قوس تاراپ كەلىسسوزدەر جۇرگىزىپ جات­قان كورىنەدى.