پرەزيدەنت ەلورداداعى الەۋمەتتىك نىسانداردى ارالاپ كورۋ بارىسىندا وتباسىلىق SANA Sport ورتالىعىنا باردى, دەپ جازادى Egemen.kz.
مۇندا سپورت, شىعارماشىلىق, ءبىلىم باعىتتارى بويىنشا 29 ۇيىرمە جۇمىس ىستەيدى. سونداي-اق 29 جاتتىقتىرۋشى جانە 25 جوعارى بىلىكتى پەداگوگ ەڭبەك ەتەدى.مەملەكەت باسشىسىنا «Damu Development Group» كونسورتسيۋمى جۇزەگە اسىرىپ جاتقان الەۋمەتتىك جوبالار جونىندە مالىمەت بەرىلىپ, SANA Sport كەشەنى اۋماعىنداعى ساياباقتى قايتا جاڭعىرتۋ جوسپارى تانىستىرىلدى.
قاسىم-جومارت توقاەۆ ورتالىقتاعى سپورت زالدارىن, شىعارماشىلىق ۇيىرمە بولمەلەرى مەن وقۋ كابينەتتەرىن ارالاپ كوردىسونىمەن قاتار ۇيىرمەگە شەبەرلىك ءدارىسىن وتكىزۋگە كەلگەن شاحماتتان ەكى دۇركىن الەم چەمپيونى ايارۋ التىنبەككە سىيلىق تابىستاپ, ساتتىلىك تىلەدى. جاس شاحماتشى بۇعان دەيىن پرەزيدەنتكە حات جازىپ, كەزدەسۋ جايىندا ءوتىنىشىن جەتكىزگەن ەدى. بۇگىن جۇزدەسۋدىڭ ءساتى ءتۇستى.كەشەندە 4 مىڭنان استام بالانىڭ قوسىمشا ءبىلىم الۋىنا جاعداي جاسالعان. الەۋمەتتىك جاعدايى تومەن وتباسىنان شىققان جەتكىنشەكتەردىڭ ۇيىرمەلەرگە قاتىسۋىنا «مەرەكە» قايىرىمدىلىق قورى قولداۋ كورسەتەدى.