ءماجىلىس ويىن بيزنەسى, لوتەرەيا جانە لوتەرەيا قىزمەتى ماسەلەلەرى بويىنشا زاڭدى اكىمشىلىك قۇقىق بۇزۋشىلىق تۋرالى كودەكسكە ەنگىزىلەتىن ىلەسپە تۇزەتۋلەرىمەن ەكىنشى وقىلىمدا قابىلدادى, دەپ جازادى Egemen.kz.
تۇزەتۋگە سايكەس ەندى ەلدەگى مەملەكەتتىك قىزمەتكەرلەر مەن اسكەريلەرگە قۇمار ويىندارعا قاتىسۋعا جانە ءباس تىگۋگە تىيىم سالىنادى.
ءماجىلىستىڭ مالىمەتىنشە, اتالعان تۇلعالاردىڭ قاتارىنا 21 جاسقا تولماعان ازاماتتار, ويىن جانە ءباس تىگۋگە قاتىسۋى شەكتەلگەن, ونىڭ ىشىندە ءوزىن-ءوزى شەكتەگەن (6 ايدان 10 جىلعا دەيىن), سونداي-اق بورىشكەرلەردىڭ بىرىڭعاي تىزىلىمىندە قارىزى بار ازاماتتار دا بار.
ولار تىيىمدى بۇزعان جاعدايدا جۇمىستان بوساتىلادى.
«زاڭدى تۇلعالاردىڭ قۇمار ويىندارعا قاتىسۋىنا العاشقى ءۇش ساناتقا رۇقسات بەرگەنى ءۇشىن اكىمشىلىك جاۋاپكەرشىلىك بەلگىلەنگەن. بۇل جاعدايدا ورتا كاسىپكەرلىك سۋبەكتىلەرىنە 300 اەك, ءىرى كاسىپكەرلىك سۋبەكتىلەرىنە 1000 اەك كولەمىندە ايىپپۇل سالىنادى. قايتالاپ جاسالعان قۇقىق بۇزۋشىلىق ءۇشىن – ليتسەنزيانىڭ قولدانىلۋىن توقتاتا تۇرۋ جازاسى قاراستىرىلعان», دەلىنگەن ءماجىلىستىڭ ءباسپاسوز قىزمەتى تاراتقان حابارلامادا.