سەناتتىڭ الەۋمەتتىك-مادەني دامۋ جانە عىلىم كوميتەتىنىڭ دەپۋتاتتارى «EiraMed» جشس مەديتسينالىق بۇيىمدار شىعاراتىن فارماتسەۆتيكا كەشەنىندە بولدى. كەزدەسۋگە قاتىسۋشىلار فارماتسەۆتيكا سالاسىن دامىتۋ كەلەشەگىن تالقىلادى, دەپ جازادى Egemen.kz سەناتتىڭ ءباسپاسوز قىزمەتىنە سىلتەمە جاساپ.
كومپانيا وكىلى قان قۇيۋ ىسىنە ارنالعان مەديتسينالىق بۇيىمداردى وندىرۋگە ماماندانعان كاسىپورىننىڭ قىزمەتى تۋرالى دەپۋتاتتارعا ايتىپ بەردى. بۇل كەشەن ترومبوتسيتتەر مەن پلازمالاردى اۆتوماتتى تۇردە جيناۋعا ارنالعان جيىنتىقتى, پاتوگەندەر مەن لەيكوتسيتتەردى ۆيرۋسپەن ۇدەتۋگە ارنالعان جۇيەنى, دونور قانىن دايىنداۋ مەن ونى بولشەكتەرگە بولۋگە ارنالعان كونتەينەردى شىعارادى.
پارلامەنتشىلەر ساپار بارىسىندا فارماتسەۆتيكا سالاسىن ودان ءارى دامىتۋدىڭ ماڭىزدىلىعى مەن وتاندىق وندىرۋشىلەردىڭ حالىقارالىق نارىقتاعى ۇستانىمىن نىعايتۋ ءۇشىن مەملەكەتتىك قولداۋدىڭ قاجەتتىگىن اتاپ ءوتتى. ينفراقۇرىلىمدى جاقسارتۋ جانە عىلىمي-زەرتتەۋ بازاسىن نىعايتۋ ماسەلەسىنە ەرەكشە نازار اۋدارىلدى.
سەناتورلار ساپار سوڭىندا ساقتاۋ جانە لوگيستيكا جاعدايىمەن, ءونىمنىڭ ساپاسىن باقىلاۋ جانە قاداعالاۋ بارىسىمەن, سونداي-اق جابدىقتار مەن ءونىمدى تەستىلەۋ كەزەڭدەرىمەن تانىستى.
دەپۋتاتتاردىڭ ساپارى «فارماتسەۆتيكا سالاسىنىڭ جاعدايى مەن دامۋ كەلەشەگى» تاقىرىبىنا ارنالعان دوڭگەلەك ۇستەل وتكىزۋگە دايىندىق اياسىندا جۇزەگە استى.