استانادا ءداستۇر بويىنشا قالا جانە وبلىستاردىڭ تاۋار وندىرۋشىلەرىنىڭ قاتىسۋىمەن اۋىل شارۋاشىلىعى جارمەڭكەسى قايتا جانداندى, دەپ حابارلايدى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.
ەلوردانىڭ سارىارقا اۋدانىندا ب.سوقپاقباەۆ كوشەسى, 21 مەكەنجايى بويىنشا اشىلعان جارمەڭكەگە اقمولا, تۇركىستان وبلىستارى مەن اباي وبلىسىنىڭ اۋىل شارۋاشىلىعى سالاسىنداعى جەكە كاسىپكەرلەر قاتىسىپ جاتىر.
«كاسىپكەرلەر كوكونىس, جەمىس-جيدەك, ءسۇت, ازىق-ت ۇلىك جانە ەت ونىمدەرىن قوسا العاندا, تاۋارلاردىڭ الۋان ءتۇرىن ۇسىنىپ وتىر», دەيدى استانا قالالىق ينۆەستيتسيا جانە كاسىپكەرلىكتى دامىتۋ باسقارماسىنىڭ ازىق-ت ۇلىك قاۋىپسىزدىگى جونىندەگى مامانى نۇرداۋلەت قوسمان.
قالا تۇرعىندارى ءالى جاڭا مەكەنجايعا ۇيرەنبەگەنىنە قاراماستان, جارمەڭكەگە بىرتىندەپ كەلىپ, كۇندەلىكتى قولداناتىن تاعامدارىن ساتىپ الىپ جاتىر.
«ادەتتە مۇنداي جارمەڭكەلەر ورتالىققا جاقىن اشىلاتىن. قازىر ءبىزدىڭ اۋداننان ۇيىمداستىرىلىپ, تابيعي تازا ونىمدەردى جاقىن جەردەن ساتىپ الۋ مۇمكىندىگى تۋىپ تۇر. قياردىڭ كەلىسى 450 تەڭگە, قىزاناق 500 تەڭگەدەن ەكەن, بىزدەگى الەۋمەتتىك بازارلاردىڭ وزىندە بۇدان قىمباتتاۋ. قايماق جانە شۇجىقتارى دا سونداي تومەن باعادا, ءوزىم سول ونىمدەردى ۇيدە كوپ پايدالاناتىن بولعاندىقتان, ارزان باعامەن كوپتەۋ ەتىپ الدىم. بىرتىندەپ بۇل جەرگە ءبارى ۇيرەنىسىپ كەتەر دەگەن ويدامىن», دەيدى قالا تۇرعىنى مايگۇل جانسەيىتوۆا.
قىرمىزى جۇماعاليقىزى,
ەۇۋ ستۋدەنتى