«قازمۇنايگاز» ۇك» اق باسقارما توراعاسىنىڭ مىندەتىن اتقارۋشى اسحات حاسەنوۆ اتىراۋداعى ەنشىلەس كاسىپورىندارىندا بولدى.
الدىمەن اسحات حاسەنوۆ اتىراۋ مۇناي وڭدەۋ زاۋىتىنىڭ قىزمەتى بويىنشا جيىن وتكىزدى. مۇندا ول ء«اموز» جشس باس ديرەكتورى ابزال دوسجانوۆتىڭ كاسىپورىنداعى قازىرگى جاعداي مەن ءوندىرىس جوسپارىنىڭ ورىندالۋ بارىسى تۋرالى ەسەبىن تىڭدادى.
سونداي-اق جيىن قورىتىندىسى بويىنشا ا.حاسەنوۆ زاۋىتتىڭ ساپالى جانە اپاتسىز جۇمىسىن قامتاماسىز ەتۋ, وندىرىستىك باعدارلامانى جۇزەگە اسىرۋ جانە ەكولوگيالىق جوبالاردى ۋاقىتىلى اياقتاۋ جونىندە تاپسىرمالار بەردى.
سونىمەن قاتار ول «ەمبىمۇنايگاز» اق (ەمگ) قاراستى جايىقمۇنايگاز مۇناي-گاز ءوندىرۋ باسقارماسىنىڭ بازاسىندا كومپانيا باسشىلىعىمەن جيىن وتكىزدى.
Eمگ باس ديرەكتورى ءسابيت ارىنوۆ كاسىپورىننىڭ وسى جىلدىڭ ءبىرىنشى توقسانىنداعى وندىرىستىك-قارجىلىق قىزمەتىنىڭ ناتيجەلەرىمەن تانىستىرىپ, كومپانيانىڭ ينۆەستيتسيالىق جوبالارىن ىسكە اسىرۋ بارىسى تۋرالى باياندادى.
ايتا كەتەيىك, «ەمبىمۇنايگاز» اق-دا 2023 جىلى مۇناي جانە كوندەنسات ءوندىرۋ كولەمى 2 ملن 722 مىڭ تونناعا جەتتى, جوسپار بويىنشا كورسەتكىش 2 ملن 706 مىڭ توننا بولاتىن. وسىلايشا, كومپانيا بىلتىر ءوندىرۋ جوسپارىن 16 مىڭ تونناعا اسىرا ورىندادى. سونداي-اق, 2022 جىلمەن سالىستىرعاندا ءوندىرىس كولەمى 5,5% وسكەن.
ءساتتى جۇزەگە اسىرۋ ەمگ-گە ءونىم ءوندىرۋدىڭ تۇراقتى دەڭگەيىن ساقتاۋعا, سونداي-اق, كومپانيانىڭ وندىرىستىك نىساندارىن ەنەرگيامەن قامتاماسىز ەتۋ سەنىمدىلىگىنە مۇمكىندىك بەرەتىن گەولوگيالىق بارلاۋ جۇمىستارىنىڭ بارىسى تالقىلاندى. گەولوگيالىق بارلاۋ جۇمىستارىنىڭ ناتيجەسىندە 2023 جىلى س.نۇرجانوۆ كەن ورنىنىڭ شىعىس قاناتى مەن سولتۇستىك ۋاز كەن الاڭى يگەرىلدى.
سونىمەن قاتار, جيىن بارىسىندا كومپانيانىڭ مۇناي قورلارىن ءتيىمدى يگەرۋگە ىقپال ەتەتىن ءونىم ءوندىرۋدىڭ سوڭعى ساتىسىنداعى كەن ورىندارىندا جۇرگىزىلىپ جاتقان گەولوگيالىق جانە تەحنيكالىق ءىس-شارالار تالقىلاندى.
ا. حاسەنوۆ ءىس-ساپار بارىسىندا سونداي-اق, ەنشىلەس كاسىپورىنداردىڭ وندىرىستىك وبەكتىلەردى سۋ تاسقىنى قاۋپىنەن قورعاۋ ءۇشىن قابىلداعان شارالارىن تەكسەردى.