«KMF» پەن «قازپوشتا» سەرىكتەستىك جونىندەگى كەلىسىمشارتقا قول قويدى

بۇل كەلىسىمگە سايكەس, ەندى 3 ملن تەڭگەگە دەيىنگى ميكرو­كرە­ديتتى 36 ايعا دە­يىنگى مەرزىمگە «قازپوشتا» بولىم­شەلەرى ارقىلى راسىم­دەۋگە بولادى. «KMF» قىز­مەتكەرلەرىنىڭ ايتۋىنشا, العاشقى قاناتقاقتى جوباعا «قازپوشتانىڭ» 30 بولىمشەسى قوسىلعان جانە جوبا ەكى ايعا سوزىلماق. ال الداعى ۋاقىتتا بارلىق فيليالىن قام­­تۋ كوزدەلىپ وتىر.

«KMF» كومپانياسى كليەنتتەرىنە ءوز ونىمدەرى مەن قىزمەتىن ۇسىنىپ قانا قويماي, ولاردى پايدالانۋ كليەنت ءۇشىن بارىنشا ىڭعايلى بولۋىنا دا بارىنشا كۇشىن سالادى. «قازپوشتا» اكتسيونەرلىك قوعامىمەن سەرىكتەستىگىمىز ارقىلى ءبىز كليەنتتەرىمىزگە بۇرىنعىدان دا جاقىنداي تۇستىك جانە قارجىلاندىرۋعا قول جەتكىزۋ دە ىڭعايلى بولا تۇسەدى دەپ سەنەمىز. سەبەبى ءبىزدىڭ تۇتىنۋشىلارىمىزدىڭ دا باسىم بولىگى وڭىرلەردە», دەدى «KMF» باسقارما توراعاسىنىڭ ورىنباسارى قارلىعاش رايحانوۆا.

ايتا كەتەيىك, «قازپوشتا» بولىم­شەلەرىندە ورنالاسقان QR-كودتار ارقىلى «KMF» ميكروكرەديتىنە 5 مينۋتتا قول جەتكىزۋگە بولادى, ال سۇراقتار تۋىنداعان جاعدايدا «قازپوشتا» وپەراتورلارى كومەككە كەلەدى.

بولىمشەلەر ءتىزىمىن «KMF» سايتىنان تابۋعا نەمەسە 7474 نومىرىنە حابارلاسۋعا بولادى.

«KMF» مالىمەتتەرىنە ساي­كەس, ميكروكرەديت تۇتىنۋ­شىلىق ماقساتتارعا, كەپىلسىز جانە 21-70 جاس ارالىعىنداعى قازاقستان ازاماتتارىنا بەرى­لەدى. تالاپ – تۇراقتى ەڭبەك­اقىنىڭ بولۋى, ال ءوزىن-ءوزى جۇمىسپەن قامتىعاندار ءۇشىن تابىسىن راستايتىن شوتتان ءۇزىندى كوشىرمەنىڭ بولۋى جەت­كىلىكتى. قاجەتتى, ماقۇل­دان­عان سوما كەز كەلگەن بانك كارتاسىنا اۋدارىلادى. 

ميكروقارجىلىق قىزمەتتى جۇزەگە اسىرۋ قۇقىعىن بەرەتىن قنردا-نىڭ 26.02.2021 جىلعى №02.21.0003.M ليتسەنزياسى 

الماتى