مينيستر جاقسى ءومىر ءسۇرۋ ءۇشىن ەڭ تومەنگى جالاقى مولشەرىنەن كوپ اقشا تابۋ كەرەك ەكەنىن ايتتى.
سونداي-اق ونىڭ ايتۋىنشا, ەل ازاماتتارىنىڭ جاعدايىن جاقسارتۋ ءۇشىن ەڭبەك نارىعىنىڭ تۇجىرىمداماسى بەكىتىلدى, ونىڭ اياسىندا قازاقستان جاڭا ساپالى جۇمىس ورىندارىن قۇرۋعا بەت بۇرادى.
«بۇگىندە ساپالى جۇمىس ورىندارىنىڭ سانى 2 ملن 100 مىڭدى قۇرايدى, ءبىز بۇل كورسەتكىشتى كەم دەگەندە 3 ملن 800 مىڭعا دەيىن جەتكىزۋىمىز كەرەك. جالاقى ەڭ تومەنگى دەڭگەيدەن كەم بولماۋى كەرەك», دەدى سۆەتلانا جاقىپوۆا.
سونىمەن قاتار مينيستر جۇمىس بەرۋشىلەر ۇسىنۋى قاجەت ءتورت كريتەريدى اتاپ ءوتتى. ولار: الەۋمەتتىك كەپىلدىكتەر, جۇمىستىڭ تۇراقتىلىعى, جالاقى مەديانادان تومەن ەمەس كەرىسىنشە ودان جوعارى بولعان كەزدە جانە ەڭبەك جاعدايىنىڭ قاۋىپسىز بولۋى. ال مەملەكەتتىك ينسپەكتورلار جۇمىستى تىكەلەي وسى كريتەريلەر بويىنشا باعالاۋدى قامتاماسىز ەتۋى ءتيىس.