فۋتبولدان قازاقستاننىڭ ۇلتتىق قۇراماسى كەلەسى ايدا ەكى جولداستىق كەزدەسۋ وتكىزۋدى جوسپارلاپ وتىر. ناقتىلاپ ايتساق, 7 ماۋسىمدا ارمەنيامەن, 11 ماۋسىمدا ازەربايجانمەن شەبەرلىك بايقاسادى.
ۇلتتىق كوماندامىزدىڭ باس باپكەرى ماگومەد اديەۆ اتالعان ماتچتاردا مىنا ويىنشىلارعا سەنىم ارتىپ وتىر: قاقپاشىلار – يگور شاتسكي («اقتوبە»), بەكحان شايزادا («ورداباسى»), الەكساندر زارۋتسكي («استانا»); قورعاۋشىلار – الەكساندر ماروچكين, يان ۆوروگوۆسكي, مارات بىستروۆ («استانا»), ەركىن تاپالوۆ, رومان اسرانقۇلوۆ, رۋسلان ۆاليۋللين («توبىل»), سەرگەي مالىي, تەمىرلان ەرلانوۆ («ورداباسى»), الىبەك قاسىم («اقتوبە»), ءادىلحان دوباي («جەتىسۋ»), ءنۇرالى ءالىپ («زەنيت», رەسەي), الەكساندر زۋەۆ («ارسەنال», رەسەي); جارتىلاي قورعاۋشىلار – اسحات تاعىبەرگەن, باۋىرجان يسلامحان, ايبول ابىكەن («ورداباسى»), ماكسيم سامورودوۆ, رامازان ورازوۆ, ارمان كەڭەسوۆ («اقتوبە»), يسلامبەك قۋات («استانا»), ادىلەت سادىبەكوۆ («قايرات»), يسلام چەسنوكوۆ («توبىل»); شابۋىلشىلار – رامازان كارىموۆ, ەلحان استانوۆ («استانا»), ابات ايىمبەتوۆ («ادانا دەميرسپور», تۇركيا).
جەرلەستەرىمىز ارمەنياعا قارسى ەرەۆاندا ويناسا, ازەربايجان قۇراماسىمەن باسەكە ماجارستاننىڭ سومباتحەي قالاسىندا وتەدى. بۇل كەزدەسۋلەر بيىلعى كۇز ايلارىندا جالاۋى جەلبىرەيتىن جاۋاپتى جارىستارعا دايىندىق رەتىندە قاراستىرىلىپ وتىر.