ارنايى كيىم تىگەتىن كاسىپورىن

سوڭعى جىلدارى مۇندا وڭ وزگەرىس بولىپ, كاسىپورىن تولىق قۋاتىنا شىققانى بايقالادى. جشس باسشىلىعى ەڭبەك ۇجىمىنىڭ جەتىستىگىن مەملەكەت قولداۋىنىڭ ناتيجەسى دەپ بىلەدى. بۇگىندە مۇندا بىرنەشە تسەح قايتا جابدىقتالىپ, 50-دەن استام تىگىنشى ءتۇرلى كاسىپورىن قىزمەتكەرلەرىنە جۇمىس كيىمىن تىگىپ جاتىر. كومپانيا باسشىسى دانيار الپىسباەۆ قازىرگى تىگىن تسەحىن كەزىندە پاۆلودار قالاسىنىڭ ىرگەسىندەگى شاعىن ءۇي-جايدى جالداپ, تىگىنشىلىكپەن اينالىساتىن 10 ماماننان باستاعانىن جەتكىزدى. 

– بۇگىندە ءبىز پاۆلودار وبلىسىنىڭ ءىرى ونەركاسىپتىك كاسىپورىندارىمەن جۇمىس ىستەيمىز. استانا جانە باتىس قازاقستان كومپانيالارىمەن ىنتىماقتاستىق ورناتتىق. بۇدان بولەك, مەملەكەتتىك ساتىپ الۋلارعا جەتكىزۋشى كومپانيا رەتىندە قاتىسامىز. كەيىنگى جىلدارى جۇمىسىمىزدا وڭ وزگەرىستەر بولىپ, تسەح تولىق قۋاتىندا جۇمىس ىستەي باس­تادى. مەملەكەتتىك قولداۋ ار­قى­لى قوماقتى نەسيەگە قول جەت­كىزدىك. اتاپ ايتقاندا, ءبىز «دامۋ» قورى ارقىلى 2020 جىلى بانكتىك نەسيەلەر بويىنشا سۋبسيديالانعان پايىزدىق مول­شەرلەمەلەردى پايدالانىپ, اينالىم قاراجاتىن تو­­لىقتىردىق. وتكەن جىلى قور­دان بىردەن 108 ميلليون تەڭگەگە كەپىلدىك الدىق. وسىنىڭ ناتيجەسىندە ءونىمىمىزدىڭ وزىن­دىك قۇنى ايتارلىقتاي تومەن­دەپ, رەسەي, قىرعىزستان, قىتاي وندىرۋشىلەرىمەن باسە­كە­گە تۇسە الامىز. الپاۋىت كاسىپورىنداردان اۋقىمدى تاپسىرىستار تۇسسە دە, بارلى­عىن ۋاقتىلى ءارى ساپالى ورىن­داۋعا مۇمكىندىك بار. تىگىن تسەحى العاشقىدا تەك ارنايى جۇمىس كيىمدەرىن تىگەتىن, قا­زىر اياقكيىم, كاسكا, بارلىق قور­عانىس قۇرالىنا تاپسىرىس قابىلدايمىز, – دەدى د.الپىسباەۆ.

ايتا كەتەيىك, كاسىپورىن 2002 جىلى قۇرىلعان. بۇگىندە ارنايى جۇمىس كيىمى مەن اياقكيىم, جەكە قورعانىس قۇرالدارى نا­رى­عىندا ايماقتا كوشباسشى بولىپ وتىر. تىگىن تسەحىندا ونىمدەردى دايىنداۋ ۇدەرىسى زاماناۋي جابدىقتا جۇزەگە اسىرىلادى. بارلىق دايىن ءونىم بەلگىلەنگەن ساپا ستاندارتتارىنا سايكەس «ست-KZ» سەرتيفيكاتىمەن رەسىمدەلگەن.

بىلتىر بيزنەس نىسانى 300 ملن تەڭگەنىڭ ءونىمىن شىعارعان. تۇراقتى تۇتىنۋشىلارىنا ۇنە­مى جەڭىلدىك جاساپ, ءونىم اس­سور­تيمەنتىن كەڭەيتۋگە دە تالپىنىپ وتىر.

پاۆلودار وبلىسى