«التىن بەلگى» يەگەرلەرىنە ايرىقشا مۇمكىندىك

سوڭعى قوڭىراۋ سالتاناتىندا ۇزدىك وقۋشىلار ۋنيۆەرسيتەت تابىستاعان ءبىلىم گرانتتارىنا يە بولعان ەدى. دارىندى جاستارعا بەرىلگەن بۇل مۇمكىندىك ولاردىڭ ءارى قاراي كاسىبي وسۋىنە ەلەۋلى قولداۋ بولارى ءسوزسىز. بۇل اباي وڭىرىندەگى باس­تى ءبىلىم بەرۋ كۇشى رەتىندە كادر­لاردى دايار­لاۋ جانە تۇلعالىق ءوسۋدى دامىتۋ مۇمكىندىكتەرىن قام­تا­ماسىز ەتەتىن, بولاشاق كادر رەسۋرس­تارىن قالىپتاستىرۋ­مەن بەلسەن­دى اينالىساتىن Shakarim University ءرولىنىڭ ەرەكشە ەكەنىن كورسە­تەدى. وبلىستىڭ وزىق تۇلەك­تەرىن وڭىرلىك ۋنيۆەرسيتەتكە تار­تۋ­دىڭ مۇنداي تاجىريبەسى بۇرىن-سوڭدى بولماعانىن دا وسى تۇستا ايرىقشا اتاپ وتكەنىمىز ءجون.

«وڭىرىمىزدەگى نەبىر دارىندى تۇلەكتەر جوعارى وقۋ ورىندارىنا تاڭداۋ جاسار ساتتە شەتەلدىك نەمەسە ەلىمىزدىڭ وزگە ورتالىق ۋنيۆەر­سيتەتتەرىن تاڭداۋى بەك مۇمكىن. بىراق شاكارىم ۋنيۆەرسيتەتى ۇسىنعان تەگىن وقۋ سەرتيفيكاتتارى كوپتەگەن دارىندى مەكتەپ تۇلەكتەرىنىڭ ءوز وڭىرىندە قالۋىنا اجەپتاۋىر اسەر ەتەدى دەپ سەنەمىز. سونداي-اق ءبىزدىڭ ستراتەگيامىز دا ولاردىڭ ءوز الەۋەتىن تولىق ىسكە اسىرا الاتىنداي جاعداي جاساۋعا باعىتتالعان. سەرتيفيكاتتاردى تاپسىرۋ كەزىن­دە بالالار مەن ولار­دىڭ اتا-انالارىنىڭ جۇز­دەرىنەن وسىنداي قوسىمشا مۇمكىندىكتەردىڭ بەرىلىپ جاتقانىنا ۇلكەن ريزا­شى­لىقتارىن بىلدىرگەندەرىن باي­قادىق. ءبىزدىڭ ماقساتىمىز – ولارعا تۋعان ولكەسىنە قاجەت ەكەندىكتەرىن جەتكىزۋ», دەيدى Shakarim University رەكتورى دۋمان ورىنبەكوۆ.      

Shakarim University اتال­عان باعدارلامادان بولەك, باسقا دا باستامالار بويىنشا كوش ىلگەرى. ءبىلىم ورداسىنىڭ زياتكەرلىك الەۋەتىن ارتتىرۋ ماقساتىندا ىنتىماقتاس­تىق ستراتەگياسى ازىرلەنىپ, تۇراقتى تۇردە شەبەرلىك ساباقتارى, ترەنينگتەر, تانىمال پروفەسسورلاردىڭ اشىق دارىستەرى, ارنايى سەمينارلار تۇراقتى تۇردە ۇيىمداستىرىلىپ كەلەدى. سونىمەن قاتار ايماقتىڭ كەز كەلگەن, ءتىپتى ەڭ شالعاي جەرىندەگى مەكتەپتەرمەن تىكەلەي بايلانىس جاساي­تىن قابىلداۋ كوميسسياسى­نىڭ يننوۆاتسيالىق ۇردىس­تەرى تسيفرلىق بايلانىس قۇرالدارىن پايدالانا وتىرىپ, دارىندى وقۋشىلار­مەن بايلانىس ورناتۋعا كومەكتەسەدى.

اتالعان جوعارى وقۋ ور­نىن­دا جاستارعا 2 جىل بويى شەتەلدىك سەرىكتەس ۋنيۆەرسيتەتتەردە, اتاپ ايتساق, رەسەي, كورەيا, پولشا سىندى مەملەكەتتەردە ءبىلىم الۋعا مۇمكىن­دىك بەرەتىن قوس ديپلومدىق باعدارلامالار بويىنشا وقى­تۋ قاراستىرىلعان. بۇل رەتتە عىلىم مەن تەحنيكانىڭ دامۋ ءۇردىسىن ەسكەرە وتىرىپ, جەكە­لەگەن مامان­دىقتار بو­يىنشا كادرلاردى دايارلاۋ مەرزىمدەرى دە قايتا قارالدى. وسىلايشا, وبلىس جاستارى ەڭبەك نارىعىنا IT, ەكونوميكا, گەودەزيا سالالارىنداعى بىلىكتى مامان رەتىندە ءبىلىم باعدارلاماسىن ادەتتەگىدەي 4 جىلدا ەمەس, 3 جىلدا ءتامام­داپ, قاتارعا قوسىلا الادى. بۇل باستاما جۇمىس بەرۋشىلەر مەن تالاپكەرلەردىڭ سۇرانىستارىن وتەپ قانا قويماي, سونىمەن قاتار دارىندى جاستاردى تارتۋدىڭ ءتيىمدى ستراتەگيالارىن جاساۋعا ايتارلىقتاي مۇمكىندىك بەرەدى.

ءبىلىم گرانتىنىڭ سەرتيفيكاتتارى Shakarim University تابال­دىرىعىن اتتاعان ءاربىر تالاپ­كەر ءۇشىن دامۋ مەن ءوزىن-ءوزى جە­تىل­دىرۋگە شىن مانىندە كەڭ مۇمكىن­دىكتەر اشادى. تۇلەكتەردىڭ ءبىرى – الديار تولەۋبەكوۆتىڭ اتا-اناسى «ەلى­مىزدەگى بەلگىلى وڭىرلىك جوعارى وقۋ ورنىنان ءبىلىم گرانتى سەرتيفيكاتىن الۋ وتباسى ءۇشىن تاماشا ءارى كۇتپەگەن توسىن-سىي» ەكەنىن اتاپ ءوتىپ, ۋنيۆەرسيتەت باستامالارىنىڭ الداعى ۋاقىتتا دا جەمىستى بولۋىنا تىلەكتەستىگىن ءبىلدىردى.

كوپتەگەن باستامانى بىرىكتىرە وتىرىپ, اكا­دە­ميالىق جەتىستىكتەر ورتا­لىعىنا اينالعان ۋنيۆەرسيتەت قازىرگى تاڭدا ايماقتىڭ ەكونوميكالىق ماسەلەلەرىن شەشۋ ءۇشىن ماماندار بازاسىن قۇرىپ جاتىر. بۇل مىسال جاي عانا كور­سەتكىش ەمەس, مەملەكەت باس­شى­سى ق.توقاەۆتىڭ جاڭا بۋىن ما­مان­­دارىنىڭ ءرو­لىن ارتتىرۋعا, وڭىر­لەردەگى جاستاردىڭ كادرلىق رەزەرۆ قورىن قۇرۋعا قاتىستى العا قو­ي­عان مىندەتتەرىنىڭ شەشىمىن بارىن­­شا ايقىن كورسەتەدى. 2023-2024 وقۋ جى­ل­ىندا Shakarim University-دە زا­­ماناۋي مودەلدەگى جاڭا تەحنو­لو­گيالارمەن جابدىقتاۋ, ۋنيۆەر­سي­تەتتىڭ اكادەميالىق كوللابوراتسيا دياپازونىن كەڭەيتۋ, عى­لىمي الەۋەتىن كۇشەيتۋ سىندى كوپ­تەگەن وزگەرىس جۇرگىزىلىپ جاتىر.

وتكەن وقۋ جىلىندا ۇزدىك مەكتەپ تۇلەكتەرىن ۋنيۆەرسيتەتكە تارتۋ جۇمىستارى بو­يىنشا ساراپتاما جاساساق, Shakarim University ءوڭىر بو­يىنشا جوعارى ءبىلىم بەرۋ سەكتورىنداعى كوشباسشى وقۋ ورنى ەكەنىن انىق كورسەتتى. ساپالى بىلىمگە, ايماقتىڭ بولاشاعىنا سالىنعان ينۆەستيتسيا ءسوزسىز ۇلكەن وزگەرىستەرگە اكەلەدى. سەبەبى ءبىلىم جانە عىلىم – ءححى عاسىردىڭ دامۋ العىشارتى.