زاڭگەرلەر استانالىقتارعا تەگىن كەڭەس بەرەدى

اكتسيا حالىقتىڭ قۇقىقتىق ساۋاتتىلىعىن ارتتىرۋعا جانە ازاماتتارعا تەگىن زاڭگەرلىك كەڭەس بەرۋگە باعىتتالعان. وعان ادۆوكاتتار, نوتاريۋستار, سۋديالار, پروكۋرورلار, تەرگەۋشىلەر, سوت ورىنداۋشىلارى, پوليتسەيلەر, سىبايلاس جەمقورلىققا قارسى قىزمەت, ادىلەت, سالىق ورگاندارىنىڭ, جىلجىمايتىن م ۇلىكتى تىركەۋ باسقارماسىنىڭ قىزمەتكەرلەرى قاتىسادى.

ايتا كەتەيىك, «حالىق زاڭگەرى» اكتسياسى بىرنەشە جىلدان بەرى ءداستۇرلى تۇردە وتكىزىلىپ كەلەدى. 2016-2023 جىلدار ارالىعىندا اكتسياعا 8000-نان استام ۇزدىك ساراپشى جانە مەملەكەتتىك ورگانداردىڭ شەشىم قابىلداي الاتىن قۇزىرەتكە يە وكىلدەرى قاتىسقان. اكتسيا شەڭبەرىندە 165 000-نان استام ازامات قۇقىقتىق كەڭەس العان. 

تۇرعىندارعا قۇقىقتىق كەڭەس بەرۋدى كوزدەيتىن شارا 30 مامىر كۇنى ساعات 17:00-دە, باۋىرجان مومىش ۇلى داڭعىلى, 5 مەكەنجايىندا ورنالاسقان ءال-فارابي اتىنداعى وقۋشىلار سارايىندا وتەدى.