جەڭىل تابىس جەرگە قاراتادى

التى عاسىر بۇرىن پاي­دا بولعان ۇتىس ويىن­دارىنىڭ دا دەرتى بولەك. كارتا – قۇمار ويىن­دا­رى­نىڭ ەڭ قورقىنىشتى ءتۇرى. قازىر ويىنحانالارداعى پوكەر ويىنى دا تۇعىرىنان تۇسكەن جوق. كازينولارداعى جۇيە كۇردەلى. تاڭ اتىپ, كەش باتقانىن بىلدىرمەس ءۇشىن وندا تەرەزە بولمايدى. اقشانىڭ ەڭ كوپ جۇمسالاتىن جەرى دە – وسى. سوندىقتان بولار الەمنىڭ كوپتەگەن ەلىندە كازي­نو­عا تىيىم سالىنعان. بىزدە دە تۇبەگەيلى تىيىم سالىنباسا دا, بەلگىلى ءبىر تالاپ-ءتارتىپ ەنگىزىلىپ جاتىر. ال سپورتتىڭ فۋتبول, حوككەي سىندى تۇرلەرىمەن قوسا, ساياسي بولجامدارعا دا اقشا تىگى­لەدى. قۇمار ويىننىڭ توتاليزا­تور دەگەن ءتۇرى بار. مۇنداعى جۇيە جانۋارلار قاتىساتىن ءتۇر­لى باي­گەگە ءباس تىگۋ ارقىلى جۇزە­گە اسادى. كىمنىڭ بايگەسى وزا شاپسا, وڭاي ۇتىس تا – سونىكى. ۆيكتورينا, لوتەرەيالىق ۇتىس ويىندارى دا – وسى تىزىمدە. بۇعان قوسا جەلى ارقىلى جەڭىل جولمەن تابىس تاۋىپ, تەز بايىپ, شەكەسى شىلقىپ شىعا كەلگىسى كەلەتىندەر لوتەرەيا, كونكۋرس ۇيىمداستىرۋدى دا ادەتكە اينال­دىردى. قالتاسى قا­عى­لىپ قال­عان قاتىسۋشىلاردىڭ ايتىسىنا قاراعاندا, بۇل دا – جەڭە ال­مايتىن دجەكپوت. ماسەلەن, مىڭ ادامنىڭ ىشىنەن تەك ءبىر ادام عانا جەڭىسكە جەتەدى. ونىڭ ءوزى قانداي تالاپتارعا ساي جەڭىمپاز بولاتىنى ءدۇدامال. مۇنىڭ بارلىعى Instagram پاراقشاسىنداعى جازۋشىلاردىڭ سانىن كوبەيتۋ ماقساتىندا ۇيىمداستىرىلاتىن كورىنەدى. از اقشاعا قوماقتى جۇلدە الۋدان ءۇمىتتى قاراپايىم جۇرت ۇتىس ۇيىمداستىرۋشىلارىنىڭ بار تالابىن ورىنداۋعا ءازىر.

اقتىلەۋ سەيىل ۇلى اتتى ازامات ءبىر رەت ۇتىستىڭ ءدامىن تاتقانىن ايتادى.

– Instagram-داعى بايقاۋعا قاتىسىپ, وتاندىق برەند دۇكەنى­نەن كيىم ۇتىپ العانىم ەسىمدە. الماتى قالاسىنان پوشتامەن سالىپ جىبەردى. بۇل جەردە ەش­قانداي اقشا سالماي, تەك بىر­قاتار شارتتى ورىندادىم. ال لوتەرەيالىق ۇتىس ويىندارىنا قاتىسىپ كورگەن جوقپىن. لوتە­رەياعا قاتىسقان ادامنىڭ بار­لىعى ۇتىستان ۇمىتتەنەدى, بىراق ءبىر ادام عانا ۇتىستى بولادى. وسىلايشا, وڭاي ولجاعا كەنەلگىسى كەلەتىندەر كوبەيەدى. لوتەرەيادان تۇسكەن پايدانىڭ ءبىراز بولىگىن ۇيىمداستىرۋشى ادام كورەدى. بۇل دۇرىس ەمەس دەپ ويلايمىن, – دەيدى ول.

ال گۇلشەكەر امان دەگەن جەلى قولدانۋشىسى مۇنداي ۇتىس ويىن­دارىنىڭ ءادىل وتەتىنىنە كۇماندى.

– Instagram-داعى بايقاۋلارعا قاتىسىپ جۇرسەم دە, ەشقاشان ۇتىپ كورمەپپىن. كەيدە ويىندار شىنايى ۇيىمداستىرىلمايدى. شارتتارىن ورىنداساق تا, بايقاۋ بارىسىندا تەكسەرىپ جاتپايدى. نەمەسە تىكەلەي ەفيردە قانشاما مىڭ ادام ءبىر ۋاقىتتا جەلىگە كىرگەندە, ينتەرنەت ناشارلاپ, بايقاۋدى تولىق كورە المايمىز. سوندىقتان ءادىل وتپەيدى, – دەيدى ول.

قاي قاتىسۋشىدان سۇراساق تا, كوبى مۇنداي ۇتىس ويىندارىنىڭ ءادىل وتەتىنىنە سەنبەيدى. بىراق سەن­بەسە دە, ء«ۇمىتسىز شايتان» دەپ قاتى­سىپ قوياتىندارى دا باي­قا­لادى. ال جەڭىمپاز بولعان­دار­دىڭ اڭگىمەسى باسقاشا بولاتىنى تۇسىنىكتى.

الايدا كوپشىلىكتىڭ كوكەيىندە بلو­گەرلەردىڭ الەۋمەتتىك جەلى ارقى­لى ۇتىس ويىنىن ۇيىمداس­تىر­ۋى, لوتەرەيا ويناتۋى زاڭدى ما دەگەن سۇراق تۋادى. سونداي-اق قايىرىمدىلىققا جينالعان اقشا تەكسەرىلە مە دەگەن ساۋال دا بار. وسى ماسەلەنى بىلمەككە قارجى مينيسترلىگىنە سۇراۋ سال­عان ەدىك. قارجى ءمينيسترىنىڭ ورىن­باسارى ەرجان ءبىرجانوۆتىڭ ايتۋىنا قاراعاندا, بۇل جاعداي بيىلعى زاڭدا وزگەرگەن ءموبيلدى اۋدارىمداردىڭ تالابىمەن بىر­دەي ەكەن.

– ەگەر قاراجات ءبىر بالانىڭ ەمىنە ارنالاتىن بولسا, 100 اۋدارىمنان اسسا, كەلەسى جىلى مالى­مەت كەلەدى. سول كەزدە ءبىز ازا­ماتقا ارنايى حابارلاما جىبە­­رە­مىز. ازامات نەمەسە بلوگەر وزىنە اۋدارىلعان اۋدارىمداردىڭ ماق­ساتىن ءتۇسىندىرىپ بەرۋگە ءتيىس. جىبەرىلگەن اقشانىڭ رەكۆيزيتىن كاسىپكەرلىك ماقساتتا ەمەس ەكەنىن دالەلدەسە, تۇلعاعا سۇراق تۋىندامايدى. كىم اقشا جينايدى, سول ادام ءوزىنىڭ نە ءۇشىن جيناپ جاتقانىن ناقتى بىلۋگە ءتيىس. ەگەر كاسىپكەرلىك نەمەسە جارناما بولسا, ونىڭ مىندەتتەمەلەرى پايدا بولادى, ال قايىرىمدىلىق جاع­دايى, تۋىستارىنا اۋدارىم جاساسا, ەشقانداي سۇراق بولمايدى, – دەپ ءتۇسىندىردى ول.

ال «قازاقستان لوتەرەيالار جانە لوتەرەيا قىزمەتى تۋرالى» زاڭىنا سايكەس كەز كەلگەن ادام ءوز بەتىنشە لوتەرەيا ويناتا المايدى. بۇل ءۇشىن ۇيىمداس­تى­رۋ­شىلار ارنايى رۇقسات الىپ, تۇسكەن پايدانىڭ بەلگىلى ءبىر پايىزىن سالىق رەتىندە تولەۋگە مىندەتتى. زاڭگەرلەردىڭ ايتۋىنشا, لوتەرەيالىق ۇتىس ويىندارىن تەك مەملەكەتتىك لوتو ۇيىمدارى ۇيىمداستىرادى. بۇگىندە الەۋمەت­تىك جەلىلەردىڭ اراسىنداعى ەڭ تانىمالى Instagram ەكەنى بەلگىلى. الەۋمەتتىك جەلىدەگى بەلگىلى ادامدار نەمەسە انشىلەر: «10 مىڭ تەڭگەگە بيلەت ساتىپ ال دا, كولىك ۇتىپ ال» دەپ ۇتىس جاريالايدى. بىرنەشە كولىكتى ءتىزىپ قويىپ: «وسىنىڭ بىرەۋىن سەن ۇتۋىڭ بەك مۇمكىن» دەپ سەندىرۋگە تىرىسادى. ەگەر ۇيىمداستىرۋشى «لوتەرەيا» دەگەن ءسوزدى قولدانىپ, ۇتىس ويىنى بارىسىندا لوتەرەيا بيلەتىن ساتسا جانە ونى وتكىزۋگە لوتەرەيا وپەراتورىمەن كەلىسىمشارت جاساماسا, بۇل ۇتىس زاڭسىز بولىپ ەسەپتەلەدى. ال «ۇتىس ويىنى», «كونكۋرس», «بايقاۋ» دەپ اتا­عان ۇيىمداستىرۋشىلاردى زاڭ جۇزىندە جاۋاپقا تارتۋ قيىن كورىنەدى.

ايتكەنمەن ادىلەتتى زاڭ بولسا, كەز كەلگەن اساۋعا تۇساۋ سالۋعا بولادى. ماسەلەن, وسى دەمالىس كۇندەرى استانا پوليتسياسى ينتەرنەتتە ۇتىس ويناتىپ, زاڭسىز اقشا جيناعان ازاماتتى قولعا ءتۇسىردى. «Anti-fraud» جەدەل-پروفيلاكتيكالىق ءىس-شاراسى بارىسىندا بايقوڭىر اۋداندىق پوليتسيا باسقارماسى كريمينالدىق پوليتسيا ءبولىمىنىڭ قىزمەتكەرلەرى الاياقتىق جاسادى دەگەن كۇدىكپەن شىمكەنت قالاسىنىڭ ءۇش تۇرعى­نىن ۇستادى. ولار ينتەرنەت رەسۋرستاردى پايدالانىپ, ۇتىسقا اۆتوكولىك تىگەمىز دەگەن جەلەۋمەن ازاماتتاردىڭ اقشاسىن جيناپ العان. پوليتسيا كۇدىكتىلەردىڭ وسىعان ۇقساس 25 وقيعاعا قاتىسى بارىن انىقتاعان. ازاماتتارعا كەلتىرىلگەن ماتەريالدىق شىعىن شامامەن 8 ملن تەڭگەنى قۇرادى. ۇستال­عاندار كىناسىن مويىنداپ, استانا قالاسى پوليتسيا دەپار­تا­مەنتىنىڭ ۋاقىتشا تەرگەۋ يزوليا­تورىنا قامالدى. ولاردىڭ ەلور­دادا بۇرىن جاسالعان باسقا دا قىل­مىسقا قاتىسى بار-جوعى انىق­تالىپ جاتىر.

قورىتا ايتقاندا, جەڭىلدىڭ ۇستىمەن, اۋىردىڭ استىمەن ءجۇرىپ, تەگىن پايدا ولجالاپ كەتكىسى كەلە­تىندەردى قۇرىقتاماي بولمايتىنى تۇسىنىكتى. جوعارىداعى ۇس­تالعان ۇشەۋدىڭ وقيعاسى باسقا­­لارعا دا ساباق بولۋعا ءتيىس. قازىر ونسىز دا قۇمار ويىن­نىڭ قۇردىمىنا جۇتىلعان, بۋكمە­كەر­لىك كەڭسەلەرگە ۇتىلعان قارا­كوز­دەردىڭ قايعىسى قالىڭداپ تۇر. قايعىعا قايعى جاماماساق جارار ەدى.