قۇلسارىلىقتارعا وتەماقى بەرىلىپ جاتىر

اتىراۋ وبلىستىق قۇرىلىس باسقارما­سى­­نىڭ باسشىسى نۇربەرگەن قۇسايىنوۆ­­تىڭ ايتۋىنشا, تۇرعىن ۇيلەردىڭ قۇرىلى­سىن كۇزدە اياقتاۋ كوزدەلگەن. قۇرىلىس كومپانيالارى العاشقى كەزەكتە 80 جەكە ءۇيدىڭ قۇرىلىسىن قولعا الادى. بۇل ۇيلەر «قازاقستان حالقىنا» قوعامدىق قورىنىڭ قاراجاتى ەسەبىنەن سالىنادى. شاعىن اۋدان­دا وسى كەزگە دەيىن جولدان وزگە ينجە­نەر­لىك كوممۋنيكاتسيالار جۇرگىزىلگەن.

«اتىراۋ وبلىسىنىڭ اكىمدىگىمەن قول قويىلعان ارنايى مەموراندۋم بار. سوعان سايكەس جەرگىلىكتى اتقارۋشى ورگان جاڭا ۇيلەر سالۋ ءۇشىن جەر ۋچاسكەلەرىن سۋ باسپايتىن قاۋىپسىز اۋماقتان ءبولۋدى قامتاماسىز ەتەدى. جەرگىلىكتى اتقارۋشى ورگان قۇرىلىس جۇرگىزۋ مەرزىمى مەن تەحنيكالىق تالاپتاردىڭ ساقتالۋىن, قۇرىلىس جۇمىستارىنىڭ ساپاسىن باقىلايدى», دەيدى ن.قۇسايىنوۆ.

تاسقىن سۋدان زارداپ شەككەن قۇلسارى­­­لىقتاردى تولعاندىراتىن جايت – وتەم­­اقى ماسەلەسى. وسىعان الاڭداعان 1 مىڭ­­نان اسا تۇرعىن وتەماقى ماسەلەلەرى بويىنشا 109 بىرىڭعاي بايلانىس ورتا­لى­عىنا جۇگىنىپتى. ورتالىق باسشىسى اقمارال باتىرحانوۆانىڭ ايتۋىنشا, جىلىوي اۋدا­نىندا توتەنشە جاعداي جاريالانعان 4 ساۋىردەن بەرى 6 مىڭنان اسا قوڭىراۋ تۇسكەن.

«قۇلسارى قالاسىنىڭ تۇرعىندارى باعا­لاۋ قورىتىندىسىن دايىنداۋ, وتەم­اقى الۋ مەرزىمىنە بايلانىستى ساۋالدى ءجيى قويادى. كۇندەلىكتى تۇتىناتىن اۋىز­سۋدىڭ ساپاسى, جالعان اقپاراتتى انىقتاۋ ماسەلەسىنە الاڭدايدى», دەيدى ا.باتىرحانوۆا.

وتەماقى دەمەكشى, كەيىنگى كۇندەرى بۇل قارجىنى الىپ جاتقان قۇلسارىلىقتار قاتارى كوبەيىپ كەلەدى. ماسەلەن, 23 مامىرعا دەيىن تاسقىن سۋدان زارداپ شەك­كەن 357 تۇرعىن وتەماقى الۋ ءۇشىن كەلىسىمشارتقا قول قويدى.

«ارنايى قۇرىلعان جۇمىس كوميسسياسى 1 500-دەن اسا نىساندى باعالاۋ قورىتىندىسىن دايىندادى. ءۇيى سۋعا كەت­كەن­دىكتەن, وتەماقى الۋ تۋرالى كەلى­سىم­گە قول قويعان 109 تۇرعىننىڭ جەكە ەسەپشوتىنا وتەماقى قاراجاتى اۋدارىلدى», دەپ مالىمدەدى وبلىستىق جەدەل شتابتان.

كوپ جىلدان بەرى قۇلسارى قالاسىندا تۇراتىن نۇرشات اۋەلبايدىڭ ايتۋىنشا, باعالاۋ كومپانياسى ەسەپتەپ, ۇسىنعان قارجى ءوزىنىڭ ەسەبىمەن سايكەس كەلگەن. ويتكەنى ونىڭ ءۇيى اپاتتى دەپ تانىلىپ وتىر. ەندى سول ءۇيدى بۇزادى.

«سۋ كىرگەن ءۇيىمنىڭ قۇنى ءادىل باعا­لان­دى. ەسەپشوتىما تۇسەتىن وتەماقى شىعى­نىمدى تولىعىمەن جابادى. اقشا­لاي وتەماقىعا جاڭا ءۇي ساتىپ الاتىن شىعارمىن. رەتى بولسا, جاڭا ءۇي سالۋىم مۇمكىن. قازىر بۇل ماسەلەنى وتباسىمىزبەن اقىلداسىپ وتىرمىز», دەيدى ن.اۋەلباي.

ال كۇنزيرا تاجىعۇلوۆانىڭ ۇيىنە كىرگەن تاسقىن سۋ مەتر دەڭگەيىندە ساق­تالىپ تۇرعان. ارينە, بىرنەشە كۇن تاس­قىن سۋدىڭ ورتاسىندا تۇرعان ۇيدە بۇدان بىلاي تۇرۋ مۇمكىن ەمەس. سول سەبەپتەن ونىڭ ءۇيى اپاتتى جاعداي ەكەنى باعا­لاۋ جۇرگىزگەن كوميسسيانىڭ شەشى­مى­مەن راستالعان. ال ءۇي يەسى ەندى ب ۇلىنگەن باس­پاناسىن بۇزىپ, جاڭاسىن سالۋدى كوزدەپ وتىر.

ۇزاق جىل بەرەكەلى تىرلىكتىڭ ۇياسى بول­عان باسپاناسى اپاتتى دەپ تانىلعان­دار­­دىڭ قاتارىندا گۇلبارشىن قوڭىر­باە­­ۆا دا بار. قازىر ول وتەماقى تو­لەۋ تۋ­را­لى كەلىسىمگە قول قويعان.

ء«ۇيى­مىز اپاتتى دەپ تانىلعان سوڭ اقشا­لاي وتەماقى الۋ ءۇشىن 19 مامىردا بارلىق قۇجاتتى تاپسىرعان ەدىك. سودان سوڭ بانكتەن ەسەپشوت اشتىق. سول ەسەپشتوتقا 21 مامىردا وتەماقى قارجىسى اۋدارىلدى. ەندى جاڭا ءۇي ساتىپ الامىز», دەيدى گ.قوڭىرباەۆا.

مونوقالانىڭ بايىرعى تۇرعىنىنىڭ ءبىرى گالينا قاراجانوۆا 20 مامىردا اقشالاي وتەماقى الۋ ماقساتىندا قۇجات تاپسىرىپتى. ونىڭ دا ەسەپشوتىنا 21 مامىردا م ۇلىكتىك زالال ءۇشىن قارجى تۇسكەن.

تاعى ءبىر قۇلسارىلىق مەيرام تىلەكباەۆ باعالاۋ پاراعىندا كورسەتىلگەن قار­جىعا كەلىسىمىن بەرىپتى. قازىر اقشالاي وتەماقى الۋ ءۇشىن قۇجات جيناپ ءجۇر.

«مەنىڭ ءۇيىم تۇرۋعا قاۋىپتى دەپ تانىلدى. قازىر بۇزىلىپ جاتىر. جاقىندا ماماندار ماعان باعالاۋ قورىتىندىسىنىڭ پاراعىن اكەلدى. كەلتىرىلگەن شىعىنعا بايلانىستى ەسەپتەلگەن قارجى كولەمىنە كوڭىلىم تولادى», دەدى م.تىلەكباەۆ.

وبلىستىق جەدەل شتابتىڭ مالىمە­تىنە سۇيەنسەك, قۇلسارى قالاسىندا تۇر­عىندارعا باعالاۋ قورىتىندىسىن تانىس­تى­رۋعا 20 ءموبيلدى توپ جۇمىلدى. بۇل توپتاردىڭ مۇشەلەرى كۇشەيتىلگەن رە­جىمدە جۇمىس ىستەپ ءجۇر. ولاردىڭ جۇ­مىسى تۇرعىنداردىڭ ب ۇلىنگەن مۇلكىن با­عالاۋ اياقتالعانعا دەيىن سوزىلادى. ال باعالاۋ جۇمىسىن وسى اپتانىڭ سوڭىنا دەيىن اياقتاۋ كوزدەلگەن.

اتىراۋ وبلىسى