سەناتتىڭ الەۋمەتتىك-مادەني دامۋ جانە عىلىم كوميتەتىنىڭ دەپۋتاتتارى «فارماتسەۆتيكا سالاسىنىڭ جاي-كۇيى مەن دامۋ كەلەشەگى» تاقىرىبىنا ارنالعان دوڭگەلەك ۇستەل وتىرىسىنا دايىندىق اياسىندا «سك-فارماتسيا» جشس باسشىلىعىمەن كەزدەستى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
سەنات كوميتەتىنىڭ توراعاسى نۇرتورە ءجۇسىپ ءوز سوزىندە فارماتسەۆتيكا ەكونوميكاداعى كوشباسشى سالانىڭ ءبىرى بولۋى ءتيىس ەكەنىن اتاپ ءوتتى.
«قازاقستاننىڭ فارماتسەۆتيكا سالاسىندا 80-نەن استام وتاندىق ءوندىرۋشى جۇمىس ىستەيدى, ولاردىڭ كوپشىلىگى 900-دەن استام دارىلىك پرەپارات ءتۇرىن ءوندىرىپ كەلەدى. مەديتسينالىق كاسىپورىندار مىڭنان استام مەديتسينالىق بۇيىمدار مەن جابدىقتار شىعارادى. الايدا, پروبلەمالار دا بار. بۇگىنگى تاڭدا ەڭ ماڭىزدى مىندەتتەردىڭ ءبىرى – دارىلىك پرەپاراتتار مەن مەديتسينالىق بۇيىمدار ءوندىرىسىن دامىتۋ», دەدى سەناتور.
دەپۋتاتتار حالىقتى قاۋىپسىز, ءتيىمدى جانە ساپالى ءدارى-دارمەكپەن جانە مەديتسينالىق بۇيىمدارمەن قامتاماسىز ەتۋ, سونداي-اق فارماتسەۆتيكا سالاسىن دامىتۋ كەلەشەگىنە بايلانىستى پروبلەمالىق ماسەلەلەردى كەزدەسۋگە قاتىسۋشىلارمەن بىرلەسىپ تالقىلادى.
جيىن بارىسىندا دەنساۋلىق ساقتاۋ سالاسىنداعى جاعدايدى جاقسارتۋعا جانە فارماتسەۆتيكا ونەركاسىبىن ودان ءارى دامىتۋعا باعىتتالعان جۇمىستىڭ نەگىزگى باسىمدىقتارى انىقتالدى. يننوۆاتسيالاردى ىنتالاندىرۋ, وتاندىق وندىرۋشىلەردى قولداۋ, سونداي-اق مەديتسينالىق ونىمدەردىڭ ساپاسىن باقىلاۋ تەتىكتەرىن جەتىلدىرۋ ماسەلەلەرىنە ەرەكشە نازار اۋدارىلدى.