ش.ەسەنوۆ ۋنيۆەرسيتەتى مەن «قاراجانباسمۇناي» اق اراسىندا ءوزارا ىنتىماقتاستىق پەن تۇسىنىستىك تۋرالى مەموراندۋمعا قول قويىلدى. بۇل اتالعان جوعارى وقۋ ورنى تۇلەكتەرىنىڭ جۇمىسقا ورنالاسۋىنا جاڭا مۇمكىندىك بەرمەك.
قۇجاتتا ماڭعىستاۋ وبلىسىنىڭ ونەركاسىپ سالاسىنداعى ەڭبەك رەسۋرسىنىڭ سۇرانىسىنا ساي ءوڭىردىڭ الەۋمەتتىك-ەكونوميكالىق دامۋىنا بىلىكتى كادر دايارلاۋعا ەرەكشە نازار اۋدارىلعان. سونداي-اق ول جاستاردىڭ ەڭبەك نارىعىندا باسەكەگە قابىلەتتىلىگىن ارتتىرىپ, وندىرىسكە بەيىمدەلۋىن ىسكە اسىراتىن ءوندىرىس پەن وقۋ ورنى اراسىنداعى التىن كوپىر بولماق.
– ءبىز وبلىسىمىزداعى ماڭدايالدى ءبىلىم ورداسىمەن تىعىز ارىپتەستىك بايلانىسىمىزدى جاڭا باعىتتا دامىتپاقپىز. زامان سۇرانىسىنا ساي العىر دا تالاپتى جاس مامانداردىڭ ولكە ءوندىرىسىن كوتەرۋگە تىڭ سەرپىن بەرىپ, كومپانيامىزدى دامىتۋعا سۇبەلى ۇلەس قوسادى دەپ سەنەمىز. قوس تاراپتىڭ بىرلەسكەن جوباسى تالاي جاستى ءوز ءىسىنىڭ شەبەرىنە اينالدىرارى انىق, – دەيدى قبم باس ديرەكتورى مارات ەلەۋسىنوۆ.
مەموراندۋمداعى شارت نەگىزىندە ۋنيۆەرسيتەت تۇلەكتەرى جۇمىسقا ورنالاسۋ ءۇشىن «قاراجانباسمۇناي» اق-دا قالىپتاسقان بوس جۇمىس ورىندارىنىڭ جالپى سانىنىڭ «20%» قاعيداتى بويىنشا ءۇش ايلىق سىناق مەرزىمىنەن كەيىن اۋتستاففينگكە قابىلدانادى. جۇمىسقا قابىلدانۋعا ۇمىتكەردىڭ GPA دەڭگەيى 3,67-دەن كەم ەمەس نەمەسە ۇزدىك ديپلوم يەسى, جاسى 18 بەن 34 ارالىعىندا بولۋى كەرەك. سونىمەن قاتار جاس مامانداردى تاڭداۋدا ولاردىڭ ءتۇرلى عىلىمي جوبالار مەن بايقاۋلارداعى جەتىستىكتەرى, عىلىمي جەتەكشىلەرىنىڭ ۇسىنىسى جانە بۇعان دەيىن اتالعان كەن ورنىندا تاجىريبەدەن وتكەنى دە ەسكەرىلەدى.
ش.ەسەنوۆ ۋنيۆەرسيتەتى مەن «قاراجانباسمۇناي» اق اراسىندا كاسىبي ماماندار دايارلاۋدا بۇرىننان بايلانىس ورناعان. ايتالىق, 8 ءبىلىم باعدارلاماسى نەگىزىندە دۋالدى وقىتۋ جۇيەسىن بىرلەسىپ جۇزەگە اسىرىپ كەلەدى. سونداي-اق كومپانيا الەۋمەتتىك وسال توپ سانالاتىن ءبىلىم الۋشىلاردىڭ وقۋ تولەمىن تولەيدى. جوعارى وقۋ ورنىنداعى عىلىمي-زەرتتەۋ زەرتحاناسىنىڭ اشىلۋىنا قولداۋ كورسەتتى.
«قاراجانباسمۇناي» اق بىرنەشە جىلدان بەرى جاستاردىڭ ءوز قابىلەتىن كورسەتۋى مەن دامىتۋىنا مول مۇمكىندىك بەردى. بۇگىنگە دەيىن تاجىريبەگە باعىتتالعان وقۋ جوباسى اياسىندا 100-گە جۋىق ش.ەسەنوۆ ۋنيۆەرسيتەتى مەن كوللەدجى ستۋدەنتى تەوريالىق ءبىلىمىن وندىرىستە قولداندى.
ءلايلىم تايجانوۆا,
ش.ەسەنوۆ اتىنداعى كاسپي تەحنولوگيالار جانە ينجينيرينگ ۋنيۆەرسيتەتىنىڭ پروفەسسور اسسيستەنتى, PhD
اقتاۋ