ءماجىلىس دەپۋتاتتارى «قازاقستان رەسپۋبليكاسىنداعى ادام ساۋداسىنا قارسى كۇرەس تۋرالى» زاڭدى جانە وعان قاتىستى قۇجاتتاردى ەكىنشى وقىلىمدا قابىلدادى, دەپ حابارلايدى Egemen.kz.
زاڭ جوباسى ادام جانە ازاماتتاردىڭ قۇقىقتارى مەن بوستاندىقتارىن قورعاۋ ماقساتىندا ادام ساۋداسىنا قارسى ءىس-قيمىلدىڭ ۇيىمدىق-قۇقىقتىق نەگىزدەرىن, ونىڭ ىشىندە ادام ساۋداسىنا قارسى كۇرەس سالاسىنداعى ۋاكىلەتتى ورگانداردى, ولاردىڭ قۇقىقتارى مەن مىندەتتەرىن قۇرۋدى كوزدەيدى.
جەكە تاراۋ ادام ساۋداسىنا ەڭ وسال سانات رەتىندە كامەلەتكە تولماعانداردىڭ قۇقىقتارىن قورعاۋعا ارنالعان. زاڭ جوباسىنىڭ ۇسىنىلىپ وتىرعان نورمالارى ءبىلىم بەرۋ ۇيىمدارىندا ادام ساۋداسىنا قارسى باعدارلامالاردى ازىرلەۋ جانە ىسكە اسىرۋ ارقىلى كامەلەتكە تولماعاندار ساۋداسىنىڭ الدىن الۋ بويىنشا پروفيلاكتيكالىق جۇمىستى كۇشەيتۋگە كومەكتەسەدى.
«ادام ساۋداسى پروبلەماسى كوپ قىرلى, زاڭ جوباسىندا ۇسىنىلعان ىشكى ىستەر مينيسترلىگى مەن ەڭبەك جانە حالىقتى الەۋمەتتىك قورعاۋ مينيسترلىگىنىڭ ەكى مەملەكەتتىك ورگانىنىڭ قۇزىرەتى ازدىق ەتەدى, وسى ورايدا ۆەدومستۆوارالىق ءوزارا ءىس-قيمىلدى قامتاماسىز ەتۋ ماقساتىندا دەپۋتاتتار باسقا مەملەكەتتىك ورگانداردىڭ ناقتى قۇزىرەتتەرىن دە كوزدەۋدى ۇسىنادى. مۇنداي كەشەندى ءتاسىل مەن بىرلەسكەن كۇش-جىگەر وسى قىلمىستاردىڭ ساناتىن ەداۋىر ازايتۋعا جانە ادام ساۋداسىنا قارسى تۇرۋعا مۇمكىندىك بەرەدى. بۇگىندە ادام ساۋداسىنىڭ جاڭا تۇرلەرى پايدا بولۋدا. مىسالى, ساۋداگەرلەر الەۋمەتتىك جەلىلەر ارقىلى جارنامانى ءوز ماقساتتارى ءۇشىن كەدەرگىسىز پايدالانىپ ارەكەت ەتەدى. مۇنداي قىلمىستاردىڭ الدىن الۋ ءۇشىن باسقا دا نورماتيۆتىك اكتىلەرگە وزگەرىستەر ەنگىزىلەدى. ينتەرنەت ارقىلى جىنىستىق قىزمەتتەردى ۇيىمداستىرۋعا قىلمىستىق جاۋاپكەرشىلىك ەنگىزىلەدى», دەيدى كوميتەت مۇشەسى.
زاڭ جوباسىمەن جۇمىس بارىسىندا دەپۋتاتتار ادام ساۋداسىنا قارسى كۇرەس سالاسىنداعى حالىقارالىق ستاندارتتارعا سايكەستەندىرۋگە باعىتتالعان تۇجىرىمدامالىق تۇزەتۋلەر ەنگىزدى.
قىرمىزى جۇماعاليقىزى,
ەۇۋ ستۋدەنتى