كەشە قازاقستان رەسپۋبليكاسى پارلامەنتى ءماجىلىسىنىڭ توراعاسى ورال مۇحامەدجانوۆ بەلارۋس رەسپۋبليكاسىنىڭ وتانىمىزداعى توتەنشە جانە وكىلەتتى ەلشىسى ۆالەري برىلەۆتى ونىڭ ءوتىنىشى بويىنشا قابىلدادى, دەپ حابارلادى وسى پالاتانىڭ ءباسپاسوز قىزمەتى.
كەزدەسۋدە ءماجىلىس توراعاسى ەلشىنىڭ قازاقستانداعى ديپلوماتيالىق قىزمەتىنىڭ باستالۋىمەن قۇتتىقتاي كەلىپ, حالقىمىز “ەلدەستىرمەك – ەلشىدەن” دەگەندەي, قوس مەملەكەتتىڭ اراسىنداعى ىنتىماقتاستىقتى نىعايتۋدا ەلشىنىڭ اتقاراتىن ءرولى زور ەكەنىن ايتىپ ءوتتى.
تاراپتار بۇگىنگى تاڭدا ەلدەر اراسىندا ىقپالداستىق بايلانىسقا باسا ءمان بەرىلىپ وتىرعانى ءجونىندە, ەكى جاقتى قارىم-قاتىناستى ارتتىرۋدىڭ جولدارى جانە كەدەن وداعىنىڭ كەلەشەگى تۋرالى پىكىر الماستى.
كەزدەسۋدە پارلامەنتارالىق ىنتىماقتاستىق ماسەلەلەرى دە ءسوز بولدى. وسى ورايدا ەلشى ءماجىلىس توراعاسىنا بەلارۋس رەسپۋبليكاسىنىڭ ۇلتتىق جينالىسى وكىلدەر پالاتاسىنىڭ توراعاسى ۆلاديمير اندرەيچەنكونىڭ قازاقستاندىق ارىپتەسىن وزىنە قولايلى ۋاقىتتا رەسمي ساپارمەن ەلىنە كەلۋگە شاقىرعان حاتتى تابىس ەتتى.