مادەنيەت جانە اقپارات مينيسترلىگىنىڭ قولداۋىمەن احمەت بايتۇرسىن ۇلىنىڭ ءومىرى مەن قىزمەتى تۋرالى تۇسىرىلگەن «سوڭعى ۇكىم» كوركەم ءفيلمى ۇلكەن ەكرانعا جول تارتادى, دەپ حابارلايدى Egemen.kz.
اعارتۋشى, پەداگوگ, الاش قايراتكەرى احمەت بايتۇرسىن ۇلىنىڭ 150 جىلدىق مەرەيتويىنا ارنالعان فيلم 2022 جىلى تۇسىرىلە باستادى. وسى جىلدىڭ 23 مامىرىنان باستاپ ەلىمىزدىڭ بارلىق كينوتەاترلارىندا «سوڭعى ۇكىم» كوركەم ءفيلمى كورسەتىلەدى.
فيلمدە احمەت بايتۇرسىن ۇلىنىڭ وبرازىن اكتەر ازامات ساتىبالدى سومدايدى.
جۇبايى بادريسافانىڭ ءرولىن داريا الەكساندروۆا وينايدى. ءاليحان بوكەيحانوۆ بەينەسىن سومداۋ ايدار ناۋرىزباەۆقا تاپسىرىلعان. تاعى ءبىر تانىمال اكتەر ەركەبۇلان دايىروۆ - مىرجاقىپ دۋلات ۇلىنىڭ وبرازىن بەينەلەيدى.
ال ءفيلمنىڭ قويۋشى رەجيسسەرلەرى: ەرگەن توقمۋرزين, ەرلان نۇرمۇحامبەتوۆ.
پروديۋسەر جانە ستسەناري اۆتورى: عالىم دوسكەن;قويۋشى وپەراتور: مارس ۋماروۆ;قويۋشى سۋرەتشى: امانتۋر بەيسەنبينوۆ.