مەدبيكە مەرەيى

دەنساۋلىق ساقتاۋ مي­نيستر­­لىگى ۇسىنعان رەس­مي دەرەككە سۇيەن­­سەك, ەلدەگى مەديتسينالىق ۇيىم­داردا 190 مىڭنان اسا ورتا مەديتسينا قىزمەتكەرى جۇمىس ىستەيدى. ونىڭ ىشىندە 54 مىڭنان اسا قىزمەتكەر اۋىلدا ەڭبەك ەتە­دى. راسىندا, ورتا بۋىن مامانداردىڭ دەنساۋلىق ساق­تاۋ سالاسىنىڭ باستاپقى سەكتو­رىن­داعى جۇمىسىنا باعا جەت­پەيدى. مەدي­تسي­نالىق كومەكتىڭ ساپاسى دا كوپ جاعدايدا مەدبيكەلەردىڭ جۇ­مى­سىنا تىكەلەي بايلانىستى. ولار مەكەمەدە مەديتسينالىق ءتارتىپتىڭ ساقتالۋىن باقىلاپ, ەمشارا جۇرگىزەدى. پاتسيەنتتىڭ ءدارى-دارمەكتى ۋاقتىلى قابىل­داۋىن قاداعالايدى, وتاعا دا­يىن­دايدى. بۇعان قوسا كۇردەلى ەمدىك-پروفيلاكتيكالىق ءىس-شا­­را­­­لاردى جۇرگىزەدى. مەد­بيكە بولۋ دەگەن كاسىبي شەبەرلىكتى عانا ەمەس, سونىمەن قاتار سابىر­لى بولۋدى, سترەسس اتاۋلىعا ءتو­زىم­­دى بولۋدى قاجەت ەتەدى.

مينيسترلىك ۇسىنعان تاعى ءبىر اقپارات بويىنشا, ناۋ­قاستارعا كورسەتىلەتىن قام­قور­لىقتىڭ 80%-ى مەدبيكەلەرگە جۇكتەلەدى. اسىرەسە, اۋىلدىق جەرلەردە جۇمىس ىستەيتىن ماماندارعا سال­ماق تۇسەدى. سالا ماماندارى جاڭا تۋعان نارەستەلەردەن باس­تاپ, قارتتارعا كۇتىم جاساۋعا دە­يىنگى مەديتسينالىق كومەكتىڭ تولىقتاي قامتاماسىز ەتەدى. تۇرعىنداردىڭ دەنساۋلىعىن قادا­عالاپ وتىرادى. مەرەكە قار­سا­ڭىندا وڭىرلەردەگى دەنساۋ­لىق ساقتاۋ باسقارمالارى, مەديتسينا مەكەمەلەرىنىڭ باسشىلارى مەدبيكەلەردى قۇتتىقتاپ, سىي-قۇرمەت كورسەتتى.

اتاۋلى كۇن قارساڭىندا دەن­ساۋ­لىق ساقتاۋ ءمينيسترى اقمارال ءالنازاروۆا مەدبيكە­لەر­دى قۇتتىقتاپ, لەبىزىن ءبىل­دىردى.

«مەيىرگەرلەر قازاقستاننىڭ دەنساۋلىق ساقتاۋ جۇيەسىندەگى ەڭ كوپ كاسىبي توپتاردىڭ ءبىرىن قۇرايدى. ۋاقىت تالاپتا­رىنا سايكەس ورتا مەديتسينا قىز­مەتكەرلەرىنىڭ ەمدەۋ ۇدەرىسىنە قاتىسۋى ارتىپ كەلەدى. پاتسيەنت­تىڭ دەنساۋلىعى ءۇشىن كاسىبي جاۋاپكەرشىلىك سياقتى فۋنكتسيونال كەڭەيۋدە. مەيىرگەر­­لەرى­­مىزدى كاسىبي مەرەكەلەرىمەن قۇتتىقتايمىن. سىزدەردىڭ كۇن­دەلىكتى ەڭبەكتەرىڭىز بەن شىدام­دىلىقتارىڭىزدىڭ, قايىرىم­دى­لىقتارىڭىزدىڭ جانە كوپ­جىل­دىق تاجىريبەلەرىڭىزدىڭ ار­­قا­سىندا پاتسيەنتتەردىڭ دەن­ساۋ­­لىعى جاقسارىپ كەلەدى», دەدى مينيستر.

وسى كۇنى استانا قالاسى قو­عامدىق دەنساۋلىق ساقتاۋ باس­قارماسى باسشىسى ءاليا رۇستەموۆا دا سالا ماماندارىن كاسىبي مەرەكەمەن قۇتتىقتادى.

«مەدبيكە تەك كاسىبي مامان عانا ەمەس, ول ءبىزدىڭ زاما­نىمىزدىڭ باتىرى دەپ ايتۋعا بولادى. بۇگىندە ەلوردادا 6 مىڭنان اسا مەد­بيكە ەڭبەك ەتەدى. ولار ادام­گەرشىلىكتىڭ, كاسىبيلىكتىڭ جانە جاناشىرلىقتىڭ ۇلگىسىن كور­سەتىپ ءجۇر. ءبىز مەدبيكەلەردى ماقتان تۇتامىز. ولاردىڭ ورتاق يگىلىكتى ىسكە قوسقان ەسەلى ەڭبەگىن باعالايمىز. پاتسيەنتتەر مەن ارىپتەستەرىنىڭ ريزاشىلىعىنا كەنەلگەن سالا ماماندارىنىڭ جۇمىسىنا تابىس تىلەيمىز», دەدى ءا.رۇستەموۆا.

كاسىبي مەرەكە قارساڭىندا مەيىرگەر ءىسى ماماندىعىن مەڭ­گەرگەن 350-دەن اسا ۇزدىك مامان «ەڭبەك ارداگەرى» مەدالىمەن, «دەنساۋلىق ساقتاۋ ءىسىنىڭ ۇزدىگى», «دەنساۋلىق ساقتاۋ ىسىنە قوسقان ۇلەسى ءۇشىن» توسبەلگىسىمەن, قۇر­مەت گراموتالارى جانە ال­عىس­حات­تارمەن ماراپاتتالدى.