كەشە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا اسا ءىرى مولشەردە الاياقتىق جاساعانى ءۇشىن «اتامەكەن» ۇلتتىق كاسىپكەرلەر پالاتاسىنىڭ بۇرىنعى باسشىسى ابىلاي مىرزاحمەتوۆكە قاتىستى قىلمىستىق ءىس قارالدى. سوت ونى 5 جىلعا باس بوستاندىعىنان ايىردى, دەپ حابارلايدى Egemen.kz.
سوت پروتسەسىندە ابىلاي مىرزاحمەتوۆتىڭ 2022 جىلعى مامىر ايىنان قازانعا دەيىن ب.-عا اقشالاي سىياقى ءۇشىن مەملەكەتتىك جانە قۇقىق قورعاۋ ورگاندارىنىڭ جوعارى لاۋازىمدى تۇلعالارى ارقىلى اعاسى ب.-تى قاماۋدان بوساتۋ جانە وعان قاتىستى سوتقا دەيىنگى ءىس جۇرگىزۋدى توقتاتۋ ماسەلەسىن شەشۋگە مۇمكىندىگىنىڭ بار ەكەندىگىن ايتقانى انىقتالدى. ول الاياقتىق جاساۋ جولىمەن فورمالدى تۇردە قارىز شارتتارىن رەسىمدەي وتىرىپ, ب.-تىڭ اسا ءىرى مولشەردە 13,9 ملرد تەڭگە اقشالاي قاراجاتىن جىمقىرعان.
سوتتالۋشى كىناسىن مويىنداپ, ءادىل جازا تاعايىنداۋدى, قورعاۋشىلار ءىس بويىنشا ءىس جۇرگىزۋدى توقتاتۋدى سۇرادى.سوت سوتتالۋشىنىڭ كىناسىن مويىنداۋىن, شىن جۇرەكتەن وكىنۋىن, ءوزى جاساعان قىلمىستى تەرگەۋگە جانە قىلمىس جاساۋ ناتيجەسىندە الىنعان م ۇلىكتى ىزدەستىرۋگە جاردەمدەسۋىن, كامەلەتكە تولماعان بالاسىنىڭ بولۋىن جاۋاپكەرشىلىك پەن جازانى جەڭىلدەتەتىن ءمان-جايلار رەتىندە تانىدى. قىلمىستىق جاۋاپتىلىق پەن جازانى اۋىرلاتاتىن ءمان-جايلار انىقتالعان جوق.ا. مىرزاحمەتوۆتىڭ كىناسى سوتتالۋشىنىڭ ءوز كىناسىن مويىنداۋىمەن, كۋالاردىڭ ايعاقتارىمەن, قارىز شارتتارىمەن جانە قىلمىستىق ءىستىڭ باسقا دا ماتەريالدارىمەن دالەلدەندى.
«سوت ۇكىمىمەن ابىلاي مىرزاحمەتوۆ اسا ءىرى مولشەردە الاياقتىق جاساعانى ءۇشىن كىنالى دەپ تانىلىپ, جەرگىلىكتى ءوزىن-ءوزى باسقارۋ ورگاندارىندا جانە كۆازيمەملەكەتتىك سەكتور سۋبەكتىلەرىندە 10 جىل مەرزىمگە قىزمەت اتقارۋ قۇقىعىنان ايىرىلا وتىرىپ, مەملەكەت كىرىسىنە قىلمىستىق جولمەن الىنعان 5,8 ملرد تەڭگە سوماسىندا اقشا قاراجاتى تاركىلەنىپ, 5 جىلعا باس بوستاندىعىنان ايىرىلدى», دەلىنگەن سوتتىڭ حابارلاماسىندا.سوت قك-ءنىڭ 49-بابىنىڭ 2-بولىگى نەگىزىندە قازاقستان پرەزيدەنتىنە ا. مىرزاحمەتوۆتى «قۇرمەت» جانە 3-دارەجەلى «بارىس» وردەنى مەملەكەتتىك ناگرادالارىنان ايىرۋ تۋرالى ۇسىنىس ەنگىزدى. ا. مىرزاحمەتوۆ مۇلكىنە سالىنعان تىيىم ساقتالدى.سوت ۇكىمى زاڭدى كۇشىنە ەنگەن جوق.