وندىرىسكە ءورىس كەڭەيدى

وتكەن جىلى نەسيەلى بولعان­دار اراسىندا 107 ەلدى مەكەننىڭ تۇر­عىندارى بار. باستاما شەڭ­بە­رىندە قارجىلاندىرىلعان 3 ءىرى قۇس ەتىن وندىرەتىن جوبا مەن 34 جىلىجاي كەشەنى بيىل العاشقى ونىمدەرىن بەرەدى. سونىمەن قاتار وزگە وڭىرلەردەن 840 ملن تەڭگەگە 2 359 باس اسىل تۇقىمدى مال اكەلىنبەك. جالپى, جوبا اياسىندا 713 جاڭا جۇمىس ورنى اشىلادى.

«Amanat» پارتياسىنىڭ «اۋىل اماناتى» جوباسى نەگىزىنەن شا­­عىن تسەح, جىلىجاي ءوندىرىسى, ومار­تا, با­لىق جانە قۇس شا­رۋا­شى­­لى­عى سەكىل­دى جەكە قوسالقى شارۋا­شى­­لىق­تاردىڭ وندىرىستىك جوبا­لارىن دامىتۋعا باعىتتالدى. پار­­تيا­نىڭ وبلىستىق فيليالى جانىنداعى ەكونوميكا, كاسىپ­كەرلىك جانە اگرارلىق سەكتور ماسە­لەلەرى جونىندەگى وڭىرلىك كەڭەس پەن پارتيالىق باقىلاۋ كوميس­سياسىنىڭ مۇشەلەرى بىرلەسىپ, جوبا شەڭبەرىندە ىسكە قوسىلعان كاسىپكەرلىك نىساندار جۇمىسىمەن ۇدايى تانىسىپ وتىرادى.

قىزىلوردا قالاسىنا قاراستى اقسۋات اۋىلدىق وكرۋگىندەگى جەكە كاسىپكەر سارسەنكۇل ارالباەۆا جوبا اياسىندا وتكەن جىلى 5 ملن تەڭگە نەسيە الىپ, ش ۇلىق ونىم­دەرىن شىعاراتىن قۇرال-جاب­دىقتار ساتىپ الىپ العان. قازىر ءۇيىنىڭ الدىنان شاعىن تسەح اشىپ, جۇمىسىن باستاپ كەتتى. كۇنىنە 400 داناداي ش ۇلىق شىعارىپ وتىرعان كاسىپكەر بولاشاقتا ءىس اۋقىمىن كەڭەيتكىسى كەلەدى.

جوبا ەسىك الدىنداعى شاعىن جىلىجاي كەشەندەرىن دە دامىتۋعا سەپ بولدى. قىزىلوردالىق نۇر­عازى سۇلەيمەنوۆ اۋلاسىن­داعى 300 شارشى مەتر بولاتىن جىلىجايدا قيار ەگىپ وتىر. جەكە كəسىپكەر نەسيەگە العان قارجىعا جىلىجاي جيىنتىعىن ساتىپ الىپ, شارۋا باستاپ كەتكەن. بۇگىندە ءونىمىن اۋىل, قالا تۇرعىندارىنا ساتىپ وتىر.

مانتى, سامسا, ءتۇشپارا, كوتلەت سەكىلدى جارتىلاي دايىن ونىمدەردى وندىرەتىن گۇلزيرا ەرنيازوۆا دا  –جوبا قولداۋىنا سۇيەنگەن ىسكەر­لەردىڭ ءبىرى. كاسىپكەر «اۋىل اما­ناتى» شەڭبەرىندە 2,5 پايىزبەن 8,6 ملن نەسيە الىپ, كارانتين كە­زىن­دە باستاعان ءىسىن كەڭەيتە ءتۇسىپ­­تى. بۇرىن 2 ادام جۇمىس ىستەسە, قازىر تاعى 3 ادامدى جۇمىسپەن قامتىپ وتىر. قالاداعى 6 دۇكەنمەن جۇمىس جاسايتىن تسەح 14 ءتۇرلى جارتىلاي دايىن ءونىم ازىرلەيدى.

«اۋىل اماناتى» شەڭبەرىندە 2023 جىلى شيەلى اۋدانىنان جالپى سوماسى 584 ملن تەڭگە بولاتىن 79 جوبا قولداۋ تاۋىپتى. سو­نىڭ ءبىرى – بيدايكول اۋلىنداعى قى­­زا­­ناق وڭدەۋ تسەحى. «Barly Bai & K» ون­دىرىستىك كووپەراتيۆىن باس­قا­راتىن قانات مۇساەۆ 27,6 ملن تەڭگە نەسيە الىپ, شەتەلدەن تومات پاستاسى مەن كونسەرۆىلەنگەن ونىمدەردى ءوندىرۋ جەلىسىن جەتكىزگەن. جالپى, جوبالىق قۇنى 48 ملن تەڭگە بولاتىن تسەح تاۋلىگىنە 2 توننا ءونىم وندىرە الادى. العاشقىدا سىناما رەتىندە 25 مىڭ بانكا تومات پاستاسى, ادجيكا, سالات دايىندالىپ, ونىمدەر ساپا سەرتيفيكاتىن الدى.

جوبانى ىسكە اسىرۋعا كووپەراتيۆ مۇشەسى رەتىندە اۋىل تۇر­عىن­دا­رى دا ۇلەس قوسا الادى. ولاردىڭ ونىم­­دەرى تسەحقا ءتيىمدى باعامەن قا­بىل­­دانادى. «Barly Bai & K» ءونىمى ال­داعى ۋاقىتتا وبلىستىڭ بار­لىق الەۋمەتتىك دۇكەنىندە ساتىلماق.

قۇرىلىس قارقىنى ارتاتىن جاز بەن جۇرت ەككەن ءونىمىن جي­ناي­تىن كۇزدە كادىمگى قاپ تا قات تاۋار­عا اينالىپ شىعا كەلەتىنى بار. وسىدان دا جالاعاشتىق كاسىپكەر رۇستەم قۇداباي «اۋىل اماناتى» اياسىندا نەسيە الىپ, قاپ تىگەتىن ءوندىرىس ورنىن اشقان. ءوندىرىس وشاعىنىڭ الەۋەتى كۇنىنە 10 مىڭ قاپ شىعارۋعا جەتەدى. قازىر تسەحتان 4 ادام تۇراقتى جۇمىس تاپقان. 

ءبىر سوزبەن ايتقاندا, «اۋىل اماناتى» جوباسىنىڭ وندىرىسكە ءورىس اشا­تىنىنا ەلدەگىلەردىڭ كوزى جەتتى.

قىزىلوردا وبلىسى