2024 جىلعى 25 ساۋىردە اقتاۋ قالالىق سوتى وبلىستىق قۇرىلىس, ساۋلەت جانە قالا قۇرىلىسى باسقارماسىنىڭ باسشىسى اينۇر مانكەشوۆاعا جانە «اسكو سەرۆيس شەتپە» جشس وكىلى ايداربەك اتادۋسوۆقا قاتىستى ءىس بويىنشا ۇكىم شىعاردى, دەپ حابارلايدى Egemen.kz.
اتالعان تۇلعالار مەكتەپ قۇرىلىسىنا تەحنيكالىق قاداعالاۋ قىزمەتتەرىن مەملەكەتتىك ساتىپ الۋ شارتى بويىنشا ورىندالعان جۇمىستاردىڭ اكتىلەرىنە قول قويعانىنا 5 ملن تەڭگە سوماسىندا پارا العانى ءۇشىن كىنالى دەپ تانىلدى.
سوت ۇكىمىمەن مانكەشوۆا 3,5 جىلعا, اتادۋسوۆ 2 جىلعا باس بوستاندىعىنان ايىرىلىپ, ءومىر بويى مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋ قۇقىعىنان ايىرىلدى.
ۇكىم زاڭدى كۇشىنە ەنگەن جوق.