اتىراۋ وبلىسىنداعى ماقات اۋدانىندا 9 ەۆاكۋاتسيالىق پۋنكت دايىندالىپ جاتىر. بۇل پۋنكتتەردە 560 ورىن بار.
اتىراۋ وبلىستىق جەدەل شتابتىڭ دەرەگىنە سۇيەنسەك, سۋ تاسقىنىنان قاۋىپ تونسە, ماحامبەت اۋدانىنىڭ تۇرعىندارى ماقات اۋدانىنا كوشىرىلۋى مۇمكىن.
«ماقات اۋدانىنداعى 9 ەۆاكۋاتسيالىق پۋنكت ماقات جانە دوسسور كەنتىندە, بايگەتوبە اۋىلىنداعى مەكتەپتەر مەن سپورت كەشەندەرىندە, جەرگىلىكتى كوللەدجدە دايىندالىپ جاتىر. قازىر م.بايمۇحانوۆ, ح.سانباەۆ اتىنداعى ورتا مەكتەپتەر, ماقات مۇناي-گاز تەحنولوگيالىق كوللەدجى, ماقات اۋداندىق بالالار-جاسوسپىرىمدەر سپورت مەكتەبى, دوسسور بالالار-جاسوسپىرىمدەر سپورت مەكتەبى, ماقات اۋداندىق №2 بالالار-جاسوسپىرىمدەر سپورت مەكتەبى قاجەتتى توسەك جابدىعىمەن قامتاماسىز ەتىلدى. تاسقىن سۋدان قاۋىپ تونگەن جاعدايدا بۇل ەۆاكۋاتسيالىق پۋنكتتەرگە ماحامبەت اۋدانىنان تۇرعىنداردى ۋاقىتشا كوشىرۋ جوسپارلانىپ وتىر», دەپ حابارلادى وبلىستىق جەدەل شتابتان.