دەمالىس كۇنى 3 اداممەن بىرگە 3450 مەتر بيىكتىككە شىققان تۋريست قىزدىڭ جاعدايى كۇرت ناشارلاپ, ونى جەرگە ءتۇسىرۋ ءۇشىن قۇتقارۋشىلاردىڭ كومەگى قاجەت بولعان, دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
وقيعا ىلە الاتاۋىنداعى شىمبۇلاق كۋرورتىندا بولعان. تۋريست قىزدىڭ جاعدايى ناشارلاعان سوڭ جانىنداعى ادامدار قۇتقارۋ قىزمەتىنە جۇگىندى.
«9 مامىر كۇنى 4 ادامنان تۇراتىن تۋريستەر توبى شىمبۇلاق شىڭىنا (3450 م) شىققان.جوعارعى جاققا شىققان سوڭ قىزدىڭ ءحالى ناشارلاپ, ول وزدىگىنەن تۇسە الماعان. كومەك كورسەتۋ ءۇشىن وقيعا ورنىنا رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى, ونىڭ ىشىندە كينولوگيالىق ەسەپ جىبەرىلدى», دەپ حابارلايدى تجم ءباسپاسوز قىزمەتى.
قۇتقارۋشىلار ەكى بويجەتكەندى اپاتتار مەديتسيناسى ورتالىعىنىڭ دارىگەرلەرىنە تاپسىرعان.